नवी दिल्ली – राहुल गांधींचा एक व्हिडिओ मोठ्या प्रमाणात व्हायरल होत आहे. यामध्ये ते एका पबमध्ये पार्टी करताना दिसत आहेत. या व्हिडिओनंतर भाजपने काँग्रेस नेत्यांना घेरले आहे. या मुद्द्यावर काँग्रेसचे वक्तव्यही समोर आले असून, राहुल गांधी त्यांच्या नेपाळी मैत्रिणीच्या लग्नात सहभागी होण्यासाठी नेपाळला गेल्याचे सांगण्यात येत आहे. अशा स्थितीत प्रत्येकाच्या मनात प्रश्न आहे की ती नेपाळी मुलगी कोण? कोणाच्या लग्नाला हजेरी लावण्यासाठी काँग्रेस नेते काठमांडूला पोहोचले आहेत. चला जाणून घेऊया राहुल गांधींच्या त्या मैत्रिणीबद्दल…
नेपाळी वृत्तपत्र ‘द काठमांडू पोस्ट’नुसार, राहुल गांधी नेपाळमधील त्यांची मैत्रीण सुम्निमा उदास हिच्या लग्नात सहभागी होण्यासाठी काठमांडूला आले आहेत. सुम्निमाचे वडील भीम उदास यांनी सांगितले की, आम्ही राहुल गांधींना मुलीच्या लग्नात येण्याचे निमंत्रण दिले होते. भीम उदास हे म्यानमारमध्ये नेपाळचे राजदूत राहिले आहेत. त्यांची मुलगी सुम्निमा ही सीएनएनची माजी वार्ताहर आहे.
राहुल गांधी यांची मैत्रीण सुम्निमा उदास हिचे लग्न नीमा मार्टिन शेर्पासोबत होणार आहे. सुम्निमा अमेरिकेतील ली विद्यापीठातून त्यांनी पत्रकारिता केली आहे. याशिवाय त्यांनी ऑक्सफर्ड विद्यापीठातून पदव्युत्तर पदवीही घेतली आहे. तिने पत्रकार म्हणून काम केले आहे. तसेच दिल्लीतील निर्भया सामूहिक बलात्काराचे प्रकरणही कव्हर केले. मिळालेल्या माहितीनुसार, 2014 मध्ये सुम्निमा उदास यांनी अमेरिकन जर्नालिस्ट ऑफ द इयरचा पुरस्कारही जिंकला होता.
मीडिया रिपोर्ट्सनुसार, राहुल गांधी सोमवारी काठमांडूला पोहोचले होते. काल ते सुम्निमा दासच्या लग्नसोहळ्यात सहभागी झाले. लग्न आज होणार असून रिसेप्शन 5 मे रोजी होणार आहे. सुम्निमाचे लग्न निमा मार्टिन शेर्पासोबत होणार आहे. अनेक सोशल मीडिया प्लॅटफॉर्मवर व्हायरल होत असलेल्या व्हिडिओमध्ये राहुल गांधी एका नाईट क्लबमध्ये काही लोकांसोबत पार्टी करताना दिसत आहेत. राहुल यांच्या आजूबाजूला उपस्थित असलेले लोक दारू पित असल्याचे व्हिडीओत दिसते.
राहुल यांच्या व्हायरल व्हिडिओवर भाजपने प्रश्न उपस्थित केले आहेत. पक्षाचे प्रवक्ते शहजाद पूनावाला म्हणाले की, राहुल गांधी काय करत आहेत ही त्यांची वैयक्तिक बाब आहे, मात्र राजस्थानच्या जोधपूरमध्ये हिंसाचार होत आहे. राजस्थानमध्ये काँग्रेसचे सरकार आहे. राजस्थान जळत आहे. या प्रकरणावर चिंता व्यक्त करण्याऐवजी राहुल गांधी नेपाळमधील नाईट क्लबमध्ये पार्टी करत आहेत. भारतातील लोकांच्या समस्या जाणून घेण्यासाठी त्यांनी त्यांच्यासोबत असले पाहिजे. पूनावाला पुढे म्हणाले, काँग्रेस पक्ष संपला, पण राहुल गांधींचा पक्ष असाच चालेल, ते राजकारणात गंभीर नाहीत.