पवनानगर – मावळ तालुक्यात शनिवारी आभाळ भरलेले असताना पावसाबरोबर आगीचे गोळे पडत असल्याचे गावकऱ्यांनी पाहिले. आता हा भास आहे का वस्तुस्थिती याबाबत समजू शकले नाही.
आभाळातून पडणारे गोळे नेमके हे आगीचे गोळे होते का? ते कोठून आले हे अद्यापही समजू शकले नाही. गावातील विकास ठाकर या तरुणाने हे गोळे पहिल्यांदा पाहिल्याचा दावा केला आहे. गावातील काही ग्रामस्थांनी हे गोळे पाहिले आहे, असे ग्रामस्थ सांगत आहेत. या गावातील डोंगराजवळ आभाळातून काही आगीचे गोळे जमिनीच्या दिशेने येत असल्याचे ग्रामस्थांनी पाहिले. त्यांनी त्याची छायाचित्र आणि व्हिडिओ काढले आहेत. दिवसभर ही छायाचित्र सोशल मीडियावर व्हायरल झाली. गावातील तरुण डोंगराजवळील हा भाग पिंजून काढत आहे, मात्र त्यांना अजून काहीच सापडले नाही.