मुंबई – बॉलिवूड अभिनेता सुनील शेट्टीची लेक आथिया शेट्टी आणि भारतीय क्रिकेटर के एल राहुल यांच्या रिलेशन शिपबाबत सिनेसृष्टीत जोरदार चर्चा होती. आज म्हणजेच २३ जानेवारीच्या मुहूर्तावर दोघेही लग्न करणार असल्याचे देखील स्पष्ट झाले आहे. दोघांच्या लग्नापूर्वीचे अनेक फोटो आणि व्हिडीओज सध्या सोशल मीडियावर चांगलेच व्हायरल होताहेत.
सुनील शेट्टीचे खंडाळा येथे मोठे फार्महाउस आहे आणि याच ठिकाणी राहुल आथियाचा विवाह सोहळा पार पडणार आहे. याच फार्महाऊसवर काल संगीतासह इतर प्रोग्रॅम देखील पार पडले. कुटुंबातील जवळचे सदस्य आणि मित्र परिवारानाच या कार्यक्रमासाठी निमंत्रित करण्यात आले होते.
२१ जानेवारीपासून या फार्महाऊसवर विविध कार्यक्रमांना सुरुवात झाली होती. त्यात हळदीपासून ते कॉकटेल पार्टी पर्यंतच्या सगळ्याच गोष्टी पार पडल्या. फार्महाऊसचे बाहेरील काही व्हिडीओ सध्या व्हायरल होताहेत. दोन्हही कुटुंबियांकडून पाहुण्यांना नो फोन्सचे आवाहन करण्यात आले असल्याचे देखील समोर आले आहे.
View this post on Instagram
सिनेसृष्टीला कलाकारांसह क्रिकेट जगतातील अनेकजण या सोहळ्यासाठी उपस्थित राहणार आहेत. गेल्या अनेक दिवसांपासून अथिया आणि केएल राहुल याच्या लग्नाची जोरदार चर्चा सुरू होती. या दोघांचं लग्न कधी होणार याची सर्वांनाच उत्सुकता होती. अखेर दोघेही लग्नबंधनात अडकणार असल्यामुळे सोशल मीडियावर फॅन्सने त्यांना भरभरून शुभेच्छा द्यायला सुरुवात केली आहे.
