कैरो : शरीराचा थकवा दूर करण्यासाठी लोक मसाज करतात, पण तुमचा मसाज माणसाने नाही तर सापाने केला तर? होय हे खरे आहे. इजिप्तची राजधानी कैरो येथील एका स्पामध्येही असेच घडते. येथे मसाज हाताने नाही तर सापाने केला जातो. त्याला स्नेक मसाज म्हणतात.
सापाच्या मसाजमध्ये डझनभर साप व्यक्तीच्या अंगावर सोडले जातात आणि नंतर साप व्यक्तीच्या अंगावर रेंगाळतात आणि मालिश करतात. अशा सापाच्या मसाज दरम्यान बरेच लोक खूप घाबरतात.
सापाच्या मसाजमध्ये विषारी सापांचा वापर केला जात नाही. मसाज फक्त असे साप करतात जे विषारी नसतात. त्यामुळे या सापांपासून कोणताही धोका नाही. सुरुवातीला लोकांना या सापांची भीती वाटत असली तरी हळूहळू त्यांना त्यांची सवय होऊ लागली आहे. हे साप अंगावर चालले की शरीराला विश्रांती मिळते.
ICYMI: Not for the faint-hearted: A Cairo spa has introduced a massage using live snakes, known for relieving muscle pain and soothing joints pic.twitter.com/5mOrobrpk2
— Reuters (@Reuters) January 2, 2021
जे लोक मनाने कमजोर असतात अशा लोकांना सापाची मसाज न करण्याच्या सुचना दिल्या जातात. सापाच्या मसाजमुळे सांधेदुखीपासून आराम मिळतो असा कैरो स्पाचा दावा आहे. याशिवाय शरीरातील रक्ताभिसरण वाढते.
या स्पाच्या प्रकारात सुमारे अर्धा तास मालिश केली जाते. सर्व प्रथम, व्यक्तीच्या पाठीवर तेल ओतले जाते आणि मालिश केली जाते. यानंतर त्या व्यक्तीच्या पाठीवर साप सोडले जातात, ते लोळणे आणि मालिश करणे सुरू करतात. या सापांना ते ग्राहकाला चावू नयेत, अशा पद्धतीने प्रशिक्षण देण्यात आलेले असते.
सापाची मसाज करवून घेतलेल्या एका व्यक्तीने सांगितले की, मसाज केल्यानंतर त्याला खूप आराम मिळाला. सापांमुळे त्याला सुरुवातीला थोडी भीती वाटली पण नंतर आराम मिळाला. आता त्याला सापांची भीती वाटत नाही. दरम्यान, साधारण स्पापेक्षा हा स्नेक मसाज भयानक वाटत असला तरी त्यापासून मिळणारे फायदेही अधिक असल्याचे सांगितले जाते.