मुंबई – आपल्या दिलखेच अदा, स्टाईल, लूक आणि तितकाच हॉट अंदाज यामुळे मराठमोळी अभिनेत्री ‘सई ताम्हणकर’ मराठी रसिकांच्या दिलों की धडकन बनली आहे. मराठी चित्रपटसृष्टीतील ग्लॅमरस आणि हॉट अभिनेत्री म्हणून सध्या ‘सई ताम्हणकर’कडे पाहिलं जातं.
विविध धाटणीच्या भूमिका साकारत सईने आपले एक विशेष स्थान निर्माण केले आहे. मराठीच नव्हे तर सईने हिंदीमध्येही आपल्या अभिनयाचा डंका वाजवला आहे. सई सोशल मीडियावर प्रचंड सक्रिय असते.
तिचे विविध फोटो आणि व्हिडीओ ती नेहमीच सोशल मीडियावर शेअर करत असते. तिच्या खाजगी आयुष्यात काय सुरू आहे, ती कुठे फिरतेय हे सुद्धा सई तिच्या चाहत्यांना सांगत असते.
नुकताच सईने आपल्या इंस्टाग्रामवर स्वतःचे काही मराठमोळ्या लूकमधील फोटो शेअर केले आहे. यामध्ये निळ्या रंगाची साडी, हिरव्या बांगड्यास गजरा आणि नथ अशा लूकमधील फोटो सईनं शेअर केले आहेत.
‘सालस’ असं कॅप्शन सईनं या फोटोला दिलं आहे. सईनं या फोटोला ‘अस्सल . . .’ असंही कॅप्शन दिलं आहे. सध्या सईच्या या लूकला नेटकऱ्यांची पसंती मिळाली असून, फॅन्स देखील लाडक्या सईच्या फोटोंवर कमेंटचा वर्षाव करत आहेत.