रसेल डॉमिंगो बांगलादेश संघाचे नवीन प्रशिक्षक

ढाका – बांगलादेश क्रिकेट बोर्डाने दक्षिण आफ्रिकेचा माजी खेळाडू रसेल डॉमिंगोची संघाच्या प्रशिक्षकपदी नेमणूक केली आहे. डॉमिंगो यांनी माईक हेसन, पॉल फारब्रेस, ग्रॅंट फ्लॉवर यांना मागे टाकत शर्यतीत बाजी मारली. 44 वर्षीय डॉमिंगो 21 ऑगस्टरोजी आपला पदभार स्वीकारतील. आगामी 2 वर्षांसाठी डॉमिंगो यांच्यासोबत करार करण्यात आला आहे.

आगामी दोन वर्षांच्या काळात रसेल बांगलादेश संघाला आपला पूर्ण वेळ देणार आहेत. त्याचबरोबर त्यांचा अनुभव लक्षात घेता आम्ही त्यांची मुख्य प्रशिक्षकपदी नेमणूक करत आहोत. बांगलादेश क्रिकेट बोर्डाचे अध्यक्ष नझमुल हसन यांनी माहिती दिली. गेल्या काही वर्षांत बांगलादेशच्या संघाने चांगली प्रगती केली आहे, हा संघ अनेकांना धक्‍का देण्याचे सामर्थ्य बाळगून आहे. त्यामुळे या नवीन खेळाडूंसोबत काम करण्यासाठी मी उत्सुक आहे, असे म्हणत डॉमिंगो यांनी बांगलादेश क्रिकेट बोर्डाचे आभार मानले आहेत.

डॉमिंगो स्टिव्ह ऱ्होड्‌स यांची जागा घेणार आहेत. याआधी डॉमिंगो यांनी 2013 ते 2017 या काळात आफ्रिकेच्या संघाचे प्रशिक्षक म्हणून काम केले होते.

You might also like

Leave A Reply

Your email address will not be published.

×