मुंबई – ब्रीच कॅन्डी रुग्णालयातील आयसीयूमध्ये दाखल असलेल्या गान कोकिळा आणि भारतरत्न ‘लता मंगेशकर’ यांची प्रकृती आता स्थिर आहे अशी माहिती त्यांच्या कुटुंबीयांच्या प्रवक्त्याने अधिकृतपणे दिली आहे. 92 वर्षीय लता मंगेशकर यांना करोनाची बाधा झाल्यामुळे 9 जानेवारी रोजी रुग्णालयात दाखल करण्यात आले आहे.
दरम्यान, गेल्या दोन दिवसांपासून सोशल मीडियावर त्यांची प्रकृती खालावली असल्याच्या पोस्ट व्हायरल होत आहे. मंगेशकर कुटुंबिय तसेच लता दीदींच्या प्रवक्त्यांकडून या सर्व अफवा असल्याचं वेळोवेळ सांगण्यात येत होतं. आता, लता दीदींच्या अधिकृत ट्विटर अकाउंटवरूनही या बातम्यांमध्ये तथ्य नसल्याचं स्पष्ट करण्यात आलं आहे. सध्या हे ट्विट सोशल मीडियावर चांगलंच व्हायरल झालं आहे.
Heartfelt request for the disturbing speculation to stop.
Update from Dr Pratit Samdani, Breach Candy Hospital.
Lata Didi is showing positive signs of improvement from earlier and is under treatment in the ICU.
We look forward and pray for her speedy healing and homecoming.
— Lata Mangeshkar (@mangeshkarlata) January 22, 2022
दीदींवर उपचार करणारे डॉक्टर म्हणतात की.., “दीदी यांची प्रकृती सुधारत आहेत, त्यामुळे त्यांच्याबद्दलच्या खोट्या बातम्या पसरवणं कृपा करून थांबवा. तसेच लता दीदींवर उपचार करणारे डॉ. प्रतीत समदानी याआधी म्हणाले होते की, “दीदी 92 वर्षांच्या आहेत. त्यामुळे खबरदारी म्हणून त्यांना आणखी काही दिवस देखरेखीखाली ठेवण्यात येणार आहे. त्या जेव्हा पूर्णपणे बऱ्या होतील तेव्हा त्यांना आयसीयूमधून बाहेर आणले जाईल.’ या आशयाचे ट्विट त्यांच्या ट्विट पेजवरून करण्यात आले आहे.