पारनेर (प्रतिनिधी) – लक्षवेध फाउंडेशन संचलित लक्षवेध या राज्यस्तरीय स्पर्धा परीक्षेची नुकतीच गुणवत्ता यादी प्रसिद्ध झाली. यामध्ये पारनेर तालुक्यातील सुपा एमआयडीसी नजीकच्या गुरुदेव प्रशालेच्या तब्बल १७ विद्यार्थ्यांनी राज्य गुणवत्ता यादीत स्थान पटकावले आहे.
गुरुदेव प्रशालेतील इयत्ता पहिलीतील तब्बल १६ व दुसरीतील एक, अशा एकूण १७ विद्यार्थ्यांनी घवघवीत यश मिळवले. नगर, पुणे, बीड, नाशिक, जळगाव या जिल्ह्यात ही स्पर्धा परीक्षा झाली होती. इयत्ता पहिलीच्या काव्यांजली भोर व समर्थ थिटे या दोघांनी शंभर पैकी ९६ गुण मिळवून राज्यात तिसरा येण्याचा मान मिळवला. त्यामुळे नुकतेच शाळेत पहिलं पाऊल टाकणाऱ्या या दोन्ही इयत्ता पहिलीच्या मुलांचे सर्वत्र खूप कौतुक होत आहे.
यशस्वी विद्यार्थी त्यांचे गुण व राज्यातील पटकावलेले स्थान पुढीलप्रमाणे- गुण १०० पैकी : काव्यांजली भोर – ९६, राज्यात तिसरी, समर्थ थिटे- ९६, राज्यात तिसरा, अंश जाधव -९४, राज्यात चौथा,आराध्या शिंगोटे ९४, राज्यात चौथी, अर्णव पवार ९४, राज्यात चौथा, कार्तिक येणारे ९४, राज्याचा चौथा, आरव शिंदे ९२, राज्यात पाचवा, दामिनी बेलेकर ९२,
राज्यात पाचवी ,निखिल गाडीलकर ९२, राज्यात पाचवा, संपदा पठारे ९२, राज्यात पाचवी, वेदांग मगर ९२, राज्यात पाचवा, वेदिका येणारे ९२, राज्यात पाचवी, अनुष्का मगर ९०, राज्यात सहावी, साजरी तरटे ९०, राज्यात सहावी, शिवराज चितळकर ९०, राज्यात सहावा, स्वराज मगर ८८, राज्यात सातवा व इयत्ता दुसरीमधून भूमी शेळके ८८, राज्यात सहावी.