#GoldPriceToday : सोन्याच्या दरातील घसरण चालूच

नवी दिल्ली – करोना आटोक्‍यात येण्याची शक्‍यता निर्माण झाली आहे. त्यामुळे जागतिक आर्थिक आणि व्यापार विषयक परिस्थिती सुधारेल या दृष्टिकोनातून सोन्यातील गुंतवणूक कमी होऊ लागली आहे. परिणामी सोन्याच्या दरात घट ( gold price today )  होऊ लागली आहे. 

शुक्रवारी सोन्याचे दर 102 रुपयांनी कमी होऊन 48,594 रुपये प्रति 10 ग्रॅम झाले. त्याचबरोबर तयार चांदीचा  ( Silver price today ) दर 16 रुपयांनी कमी होऊन 62,734 रुपये प्रति किलो झाला. जागतिक बाजारात आज सोन्याचे दर 1,836 रुपये प्रति औंस डॉलरवर स्थिर राहिले.

सोन्याच्या दरात घट होत असल्याबद्दल एचडीएफसी सिक्‍युरिटीजचे वरिष्ठ विश्‍लेषक तपन पटेल यांनी सांगितले की, जागतिक व्यापार आणि उद्योग सुधारण्याची लक्षणे असल्यामुळे शेअर बाजाराचे निर्देशांक वाढत आहेत.

त्यामुळे सोन्यातील ( gold ) गुंतवणूक कमी आकर्षक झाली असल्याचे चित्र निर्माण झाले आहे. मात्र जोपर्यंत अमेरिकेतील पॅकेज जाहीर होत नाही. तोपर्यंत खऱ्या अर्थाने सोन्याच्या भविष्याबाबत निश्‍चित वक्तव्य केले जाऊ शकणार नाही. दरम्यानच्या काळात डॉलर वधारत आहे.

 

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Leave A Reply

Your email address will not be published.