पणजी – गोव्यात कॉंग्रेसला धक्का बसल्याची बातमी समोर आली आहे. काँग्रेसचे ज्येष्ठ आमदार व माजी मुख्यमंत्री लुइझिन फालेरो यांनी काँग्रेसचा राजीनामा दिला आहे. त्यांनी आपल्या आमदारकीचा राजीनामा सभापती राजेश पाटणेकर यांच्याकडे सादर केला आहे.
Former Goa Chief Minister and MLA Luizinho Faleiro tenders resignation from his seat in the House.
"I thank the people of Navelim for placing their trust in me & look forward to their continued support in all future endeavors," he tweets. pic.twitter.com/54LIQnl71y
— ANI (@ANI) September 27, 2021
लुइझिन फालेरो हे तृणमूल काँग्रेसमध्ये प्रवेश करणार आहेत. नावेलीत कार्यकर्त्यांची भेट घेतल्यानंतर लुइझिन दुपारी थेट पर्वरी येथील विधानसभा संकुलात आले आणि त्यांनी सभापतींकडे आमदारकीचा राजीनामा सादर केला.
लुइझिन म्हणाले की,‘तब्बल २० दिवस चिंतन केल्यानंतरच मी हा निर्णय घेतलेला आहे. गोव्याच्या विकासासाठी आणि लोकांच्या सेवेसाठी मी हे पाऊल उचलले आहे. तृणमूल काँग्रेसच्या सर्वेसर्वा ममता बॅनर्र्जींचा फॉर्म्युला प्रधानमंत्री मोदी, केंद्रीय गृहमंत्री अमित शहा यांच्यावर भारी पडला. गोव्यात भाजपचा पाडाव करण्यासाठी अशाच लढतीची गरज आहे.’ ते पत्रकारांशी बोलत होते.
२०१७ च्या विधानसभा निवडणुकीत काँग्रेसचे १७ आमदार निवडून आले होते. विधानसभेत काँग्रेस सर्वात मोठा पक्ष होता. कालांतराने काग्रेसला गळती लागली. जुलै २०१९ मध्ये दहा काँग्रेसी आमदार फुटून भाजपवासी झाले. त्याआधी दोघे फुटले होते. काँंग्रेसकडे केवळ पाच आमदार शिल्लक राहिले होते. लुइझिन यांनी राजीनामा दिल्याने आता पक्षाकडे केवळ चार आमदार बाकी राहिले आहेत.