क्रिती सेनन जवळपास 10 वर्षांपासून बॉलिवूडमध्ये काम करत आहे. तिने आत्तापर्यंत अनेक चित्रपटांमध्ये काम केले असून स्वत:ची वेगळी ओळख निर्माण केली आहे. सध्या ती तिच्या ‘क्रू’ या नवीन चित्रपटामुळे चर्चेत आहे.
अभिनेत्रीचा चित्रपट 29 मार्च रोजी थिएटरमध्ये प्रदर्शित होणार आहे, ज्यामध्ये करीना कपूर आणि तब्बू देखील दिसत आहे. या चित्रपटाच्या चर्चेदरम्यान क्रितीने एका वृत्तवाहिनीला दिलेल्या मुलाखतीत सलमान खानशी संबंधित तिच्या स्वप्नाविषयी सांगितले आहे.
क्रिती म्हणाली की,’ती मोठा विचार करते. तिची स्वप्ने खूप मोठी आहे. तिने असेही सांगितले की, एकेकाळी तिला वाटले होते की ती सलमान खानसोबत डेब्यू करेल. ती सांगते की ती या गोष्टीचा खूप विचार करायची. मात्र, सलमानसोबत डेब्यू करण्याचे क्रितीचे स्वप्न पूर्ण झाले नसले तरी तिने आपल्या दमदार कामाने लोकांच्या हृदयात स्थान निर्माण केले आहे. 2014 मध्ये रिलीज झालेल्या ‘हिरोपंती’ चित्रपटातून त्याने बॉलिवूडमध्ये प्रवेश केला. या चित्रपटात तिच्यासोबत टायगर श्रॉफ दिसला होता.’
तिच्या आगामी ‘क्रू’ चित्रपटाबाबत सांगायचे झाल्यास, हा कॉमेडी ड्रामा चित्रपट आहे. याचे दिग्दर्शन राजेश ए. कृष्णन यांनी केले आहे. या चित्रपटाच्या सुरुवातीच्या रिव्ह्यूनुसार लोकांना हा चित्रपट चांगलाच आवडला आहे. तिन्ही अभिनेत्रींचा अभिनयही लोकांना आवडला आहे.