रेल्वे आरक्षण खिडक्‍यांच्या वेळापत्रकात बदल

पुणे – प्रवाशांना आरक्षण करणे सोयीचे जावे, यासाठी रेल्वेने विविध परिसरांमध्ये आरक्षण केंद्रे उभारली आहेत. मात्र, आता दुपारी 2 नंतर सुरू राहणाऱ्या काही आरक्षण खिडक्‍यांमधील एक खिडकी बंद ठेवण्यात येणार आहे.

रेल्वेची कॅम्प, रविवार पेठ, शंकरशेठ रोड आणि डेक्कन येथे आरक्षण केंद्रे आहेत. ही केंद्रांच्या सकाळी 8 ते दुपारी 2 वाजेपर्यंत प्रत्येकी तीन खिडक्‍या सुरू असतात. मात्र, या केंद्रांवरील दुपारी सव्वादोन ते रात्री 8 वाजेपर्यंत सुरू असणाऱ्या खिडक्‍यांच्या नियोजनामध्ये बदल करण्यात आला आहे. यानुसार प्रत्येक आरक्षण केंद्रावरील एक खिडकी बंद ठेवण्याचा निर्णय प्रशासनाने घेतला आहे.

यापुढे शंकरशेठ रोड, डेक्कन, रविवार पेठ येथे दुपारी 2.15 ते रात्री 8 वाजेदरम्यान 3 खिडक्‍यांऐवजी 2 खिडक्‍या आणि कॅम्प येथील आरक्षण केंद्रात यापुढे 2 खिडक्‍यांऐवजी 1 आरक्षण खिडकी सुरू राहणार आहे.

Leave A Reply

Your email address will not be published.