Buldhana Bus Accident : विदर्भ ट्रॅव्हल्सच्या नागपूरहून पुण्याला जाणाऱ्या बसला बुलढाणा येथील पिंपळखुटा या ठिकाणी समृद्धी महामार्गावर अपघात झाला. या अपघातात २५ जण ठार झाले आहेत. दुभाजकाला गाडी धडकली आणि त्यानंतर बसचा टायर फुटून ती उलटली. डिझेलचा टॅंक फुटल्याने बसला आग लागली. या आगीत होरपळून २५ प्रवासी ठार झाले आहेत. दरम्यान, या अपघातातील मृतांच्या नातेवाईकांना आणि जखमींना केंद्र सरकारकडून मदत जाहीर करण्यात आली आहे.
अपघाताविषयी ट्विट करत पंतप्रधान नरेंद्र मोदी यांनी शोक व्यक्त केला. त्यासोबतच मृतांच्या नातेवाईकांना आणि जखमींना सरकारकडून आर्थिक मदत जाहीर केली.
Deeply saddened by the devastating bus mishap in Buldhana, Maharashtra. My thoughts and prayers are with the families of those who lost their lives. May the injured recover soon. The local administration is providing all possible assistance to the affected: PM @narendramodi
— PMO India (@PMOIndia) July 1, 2023
यावेळी त्यांनी महाराष्ट्रातील बुलढाणा येथे झालेल्या भीषण बस दुर्घटनेने खूप दु:ख झाले आहे. ज्यांनी प्राण गमावले त्यांच्या कुटुंबियांसोबत माझ्या संवेदना आणि प्रार्थना आहेत. जखमी लवकर बरे व्हावेत. स्थानिक प्रशासन बाधितांना शक्य ती सर्व मदत करत आहे. असे म्हटले आहे.
An ex-gratia of Rs. 2 lakh from PMNRF would be given to the next of kin of those who lost their lives in the bus mishap in Buldhana. Rs. 50,000 would be given to the injured: PM @narendramodi
— PMO India (@PMOIndia) July 1, 2023
तर दुसऱ्या ट्विटमध्ये, बुलढाणा येथील बस दुर्घटनेत मृत्युमुखी पडलेल्यांच्या नातेवाईकांना PMNRF कडून 2 लाख रुपयांची मदत जाहीर करण्यात आली. जखमींना 50,000 रुपये दिले जातील, पंतप्रधान कार्यालयाकडून करण्यात आलेल्या ट्विटमध्ये असे म्हटले आहे.
