IDBI Junior Assistant Manager Recruitment 2024 : बँकिंग क्षेत्रात करिअर करण्याचे स्वप्न पाहणाऱ्यांसाठी एक आनंदाची बातमी आहे. IDBI बँकेने कनिष्ठ सहाय्यक व्यवस्थापकाच्या पदांसाठी भरतीचे नोटिफिकेशन जारी केले आहे. अर्ज भरण्याची प्रक्रिया १२ फेब्रुवारीपासून सुरू होणार आहे. इच्छुक आणि पात्र उमेदवार अर्ज प्रक्रिया सुरू झाल्यानंतर बँकेच्या www.idbibank.in या अधिकृत वेबसाइटला भेट देऊन नोंदणी करू शकतील.
IDBI बँक कनिष्ठ सहाय्यक व्यवस्थापक भरतीसाठी नोंदणी विंडो 12 फेब्रुवारी रोजी उपलब्ध होईल. या पदांसाठी उमेदवार 26 फेब्रुवारी 2024 पर्यंत अर्ज करू शकतील. भरती परीक्षेची संभाव्य तारीख 17 मार्च 2024 आहे.
किती जागांसाठी होणार भरती
संस्थेतील कनिष्ठ सहाय्यक व्यवस्थापकाच्या ५०० पदे भरण्यासाठी ही भरती मोहीम राबविण्यात येत आहे. अर्ज करण्यासाठी, उमेदवारांचे किमान वय 20 वर्षे आणि कमाल वय 25 वर्षे असावे.
शैक्षणिक पात्रता आणि निवड प्रक्रिया
अर्ज करण्यासाठी, उमेदवार मान्यताप्राप्त विद्यापीठातून कोणत्याही शाखेतील पदवीधर असणे आवश्यक आहे. निवड प्रक्रियेमध्ये ऑनलाइन चाचणी आणि त्यानंतर ऑनलाइन चाचणीत पात्र ठरलेल्या उमेदवारांची वैयक्तिक मुलाखत असेल. ऑनलाइन परीक्षा वस्तुनिष्ठ स्वरूपाची असेल.
अर्ज फी
IDBI बँकेत कनिष्ठ सहाय्यक व्यवस्थापक भरतीसाठी अर्ज करणाऱ्या SC/ST/PWD श्रेणीतील उमेदवारांना 200 रुपये अर्ज शुल्क जमा करावे लागेल. तर इतर प्रवर्गातील उमेदवारांसाठी अर्ज शुल्क 1000 रुपये निश्चित करण्यात आले आहे.
IDBI JAM 2024: अर्ज कसा करायचा ?
idbibank.in या अधिकृत वेबसाइटला भेट द्या.
होमपेजवरील करिअर लिंकवर क्लिक करा.
यानंतर Current Openings वर क्लिक करा.
JAM 2024 भरती टॅब अंतर्गत अर्ज लिंकवर क्लिक करा.
नोंदणी करा आणि अर्ज प्रक्रियेसह पुढे जा.
अर्ज भरा.
अर्ज फी भरा.
सर्व आवश्यक कागदपत्रे अपलोड करा.
अर्ज सादर कर.
भविष्यातील संदर्भासाठी प्रिंटआउट घ्या.