नवी दिल्ली – दिल्लीत गेल्या वर्षीप्रमाणे यंदाही दिवाळीत फटाके फोडण्यावर बंदी कायम राहणार आहे. या संदर्भात दिल्लीचे पर्यावरण मंत्री गोपाल राय म्हणाले की, सरकारने उत्पादन साठवणूक विक्री (ऑनलाइन विक्रीसह) आणि फटाके फोडण्यावर बंदी घालण्याचा निर्णय घेतला आहे. यासाठी परवाना न देण्याच्या सूचना दिल्ली पोलिसांना देण्यात आल्या आहेत.
हिवाळ्यात वाढणारे वायू प्रदूषण रोखण्यासाठी दिल्ली सरकारने मोठा निर्णय घेतला आहे. या कृती योजनेअंतर्गत दिल्ली सरकारने राष्ट्रीय राजधानीत फटाक्यांची निर्मिती, विक्री, साठवणूक आणि वापरावर बंदी घातली आहे.वायू प्रदूषणाच्या पार्श्वभूमीवर दिल्ली सरकारने सोमवारी हा निर्णय घेतला आहे.
ही बंदी केवळ फटाके जाळण्यावरच नाही, तर त्यांच्या उत्पादन आणि विक्रीवरही असेल. म्हणजेच दिल्लीच्या सीमावर्ती भागात फटाक्यांची निर्मिती, विक्री आणि वापरावर बंदी पूर्वीप्रमाणेच कायम राहणार आहे. बंदी असतानाही असे करणाऱ्यांवर नियमानुसार कारवाई केली जाईल.
हिवाळ्यात दिल्लीत प्रदूषणाची पातळी वाढते हे आपल्या सर्वांना माहीत आहे. याला सामोरे जाण्यासाठी दिल्ली सरकारने हिवाळी कृती योजनेवर काम सुरू केले आहे. मुख्यमंत्री अरविंद केजरीवाल यांनीही शहरातील सर्व प्रकारच्या फटाक्यांवर पूर्ण बंदी लागू करण्याचा निर्णय घेतला आहे.
VIDEO | “We all know that the pollution level increases in Delhi during the winters. To tackle this, the Delhi government has started working on the winter action plan. Chief Minister Arvind Kejriwal has also decided to implement a complete ban on all kind of crackers in the… pic.twitter.com/2T1s3aMPSP
— Press Trust of India (@PTI_News) September 11, 2023
दिल्लीत दिवाळीनंतर श्वसनाचा त्रास वाढतो
दरवर्षी दिवाळीनंतर राजधानीत वायू प्रदूषण वाढते आणि वातावरणात धुक्याची चादर पसरते, हे विशेष. हवेची गुणवत्ता खालावत असल्याने दिल्लीकरांना दरवर्षी समस्यांना सामोरे जावे लागते.