मुंबई – बॉलिवूड अभिनेता सुनील शेट्टीची लेक अथिया शेट्टी आणि भारतीय क्रिकेटर के एल राहुल यांच्या रिलेशन शिपबाबत सिनेसृष्टीत अनेक दिवसांपासून जोरदार चर्चा होती. २३ जानेवारीच्या मुहूर्तावर दोघेही लग्न करणार असल्याचे देखील स्पष्ट झाले आहे. दोघांच्या लग्नापूर्वीचे अनेक फोटो आणि व्हिडीओज सध्या सोशल मीडियावर चांगलेच व्हायरल होताहेत. नव विवाहित जोड्याला शुभेच्छा देण्यासाठी अनेक दिग्गजांनी सोशल मीडियावर पोस्ट देखील केल्या आहेत. अभिनेता अजय देवगणने देखील आपला मित्र सुनील शेट्टीसाठी एक हटके पोस्ट केली आहे.
सुनील शेट्टीचे खंडाळा येथे मोठे फार्महाउस आहे आणि याच ठिकाणी के एल राहुल अथियाचा विवाह सोहळा थाटात पार पडणार आहे. तत्पूर्वी दोघानांही शुभेच्छा देण्यासाठी अजय देवगणने एक ट्विट केले आहे. आपल्या ट्विटमध्ये अजय म्हणतो,”माझा प्रिय मित्र सुनील शेट्टी आणि माना शेट्टी यांना त्यांची मुलगी अथियाच्या लग्नासाठी खूप शुभेच्छा. अथिया आणि के एल राहुलचे अभिनंदन ! या तरुण कपलला वैवाहिक आयुष्यसाठी शुभेच्छा… आणि आण्णा तुम्हालाही खूप खूप शुभेच्छा” असे ट्विट अजयने केले आहे.
सुनील शेट्टीच्या खंडाळा येथील फार्म हाऊसवर २१ जानेवारीपासून विविध कार्यक्रमांना सुरुवात झाली होती. त्यात हळदीपासून ते कॉकटेल पार्टी पर्यंतच्या सगळ्याच गोष्टी पार पडल्या. फार्महाऊसचे बाहेरील काही व्हिडीओ सध्या व्हायरल होताहेत. दोन्हही कुटुंबियांकडून पाहुण्यांना नो फोन्सचे आवाहन करण्यात आले असल्याचे देखील समोर आले आहे.
Congratulations to my dear friends @SunielVShetty & #ManaShetty for their daughter @theathiyashetty’s marriage to @klrahul. Here’s wishing the young couple a blissful married life. And, Anna, here’s a special shout-out to you on this auspicious occasion.
❤️ Ajay pic.twitter.com/n2po9KfPdo— Ajay Devgn (@ajaydevgn) January 23, 2023
गेल्या अनेक दिवसांपासून अथिया आणि केएल राहुल याच्या लग्नाची जोरदार चर्चा सुरू होती. या दोघांचं लग्न कधी होणार याची सर्वांनाच उत्सुकता होती. अखेर दोघेही लग्नबंधनात अडकणार असल्यामुळे सोशल मीडियावर फॅन्सने त्यांना भरभरून शुभेच्छा द्यायला सुरुवात केली आहे.
