पुणे – आषाढी वारी 2022 (Ashadhi Wari 2022): महाराष्ट्रातील प्रमुख सोहळा ‘आषाढी वारी पालखी सोहळ्या’चे वेळापत्रक जाहीर झाले आहे. 20 जून रोजी संत तुकाराम महाराज पालखी तर 21 जून रोजी संत ज्ञानेश्वर महाराज पालखीचे आषाढी वारीसाठी पंढरपूरकडे प्रस्थान होणार आहे. 10 जुलैला आषाढी एकादशी (पंढरपूर यात्रा) आहे. दरम्यान, दोन वर्षांपासून पालखी सोहळा वारकऱ्यांच्या उपस्थितीत न झाल्याने यंदा मोठ्या प्रमाणात भाविक, वारकरी पालखी सोहळ्यास उपस्थित राहण्याची शक्यता आहे.
संत तुकाराम महाराज पायी पालखी सोहळा (देहू ते पंढरपूर) –
सोमवारी (20 जून) संत तुकाराम महाराज पालखी सोहळ्याचे पंढरपूरकडे प्रस्थान होईल. याच दिवशी रात्रीचा पहिला मुक्काम इनामदार वाड्यात होईल. 21 जून आकुर्डी विठ्ठल मंदिर, 22 आणि 23 जूनला निवडुंगा विठ्ठल मंदीरात (नानापेठ, पुणे) मुक्काम असेल, 24 जूनला लोणी काळभोर, 24 जून यवत, 25 जून वरवंड, 27 जून उंडवडी गवळ्याची, 28 जून बारामती, 29 जून सणसर, 30 जूनला आंथर्णे, 1 जुलै निमगाव केतकी, 2 जुलै इंदापूर, 4 जुलै सराटी, 5 जुलै अकलूज, 6 जुलै बोरगाव, 7 जुलै पिराची कुरोली गायरान, 8 जुलै वाखरी तळ येथे मुक्काम असतील. 9 जुलैला पालखी दुपारी एकनंतर पंढरपूरकडे प्रस्थान ठेवणार आहे. 10 जुलैला पंढरपूरला नगरप्रदक्षिणा केल्यानंतर 13 जुलै दुपार पर्यंत पालखी सोहळा मुक्काम श्री संत तुकाराम महाराज मंदिर प्रदक्षिणा मार्ग, पंढरपूर येथे राहिल. त्यानंतर परतीचा प्रवास सुरू होईल.
संत ज्ञानेश्वर महाराज पायी पालखी सोहळा (आळंदी ते पंढरपूर) –
मंगळवारी (दि. 21 जून) संत ज्ञानेश्वर महाराज पालखी सोहळ्याचे पंढरपूरकडे प्रस्थान होईल. याच दिवशी रात्रीचा पहिला मुक्काम आळंदी येथे दर्शन मंडप इमारत (गांधी वाडा) येथे होईल. 22 आणि 23 जूनला पालखी विठोबा मंदिर भवानीपेठ पुणे, येथे असेल. 24 आणि 25जून सासवड, 26 जून जेरूरी, 27 जून वाल्हे, 28 आणि 29 जून लोणंद, 30 जून तरडगांव, 1 आणि 2 जुलै विमानतळ फलटण, 3 जूलै बरड, 4 जुलै नातेपुते, 5 जुलै माळशिरस, 6 जुलै वेळापूर, 7 जुलै भंडी शेगाव, 8 जुलै वाखरी, 9,10,11, आणि 12 जुलै पंढरपूर, 13 जुलैला श्रींचे चंद्रभागा स्नान, श्री विठ्ठल रुक्मिणी भेट व गोपाळपूर काला होऊन परतीचा प्रवास सुरु होईल. 13 जुलैला माऊलींच्या पालखीचा मुक्काम वाखरी येथे असेल.
