Animal Movie : अभिनेता रणबीर कपूरचा ( ranbir kapoor ) ‘अॅनिमल’ ( Animal ) चित्रपट रिलीज होण्याआधीच त्याची बरीच चर्चा होती. रणबीरला पहिल्यांदाच धमाकेदार गँगस्टर अवतारात पाहण्यासाठी चाहत्यांमध्ये मोठी उत्सुकता होती. टीझर-ट्रेलरवरूनच चित्रपट बॉक्स ऑफिसवर धमाका करणार अशी शक्यता वर्तवली जात होती.
या चित्रपटाने ऍडव्हान्स बुकिंगचाही रेकॉर्ड तोडला. हा चित्रपट शुक्रवारी चित्रपटगृहांमध्ये प्रदर्शित झाला असून पहिल्या दिवसापासूनच चित्रपटगृहांमध्ये धुमाकूळ घालण्यास सुरुवात झाली आहे. दिग्दर्शक संदीप रेड्डी वंगा यांच्या ‘अॅनिमल’ने रणबीर कपूरला अशा शैलीत पडद्यावर आणले आहे जे आजपर्यंत दुसरा कोणताही चित्रपट करू शकला नाही.
या जल्लोषात लोकांचा मूड इतका तयार झाला होता की चित्रपटाचे ऍडव्हान्स बुकिंग सुरू होताच तिकीटांची जोमाने विक्री सुरू झाली. आगाऊ बुकिंगद्वारे या चित्रपटाने 34 कोटींहून अधिक कमाई केली होती. ‘अॅनिमल’ला मोठी ओपनिंग मिळणार हे निश्चित होते, पण चित्रपटाला अपेक्षेपेक्षाही मोठी ओपनिंग मिळाली.
पहिल्याच दिवशी 60 कोटींहून अधिक कमाई केली असून, कमाईच्या आकड्यात झपाट्याने वाढ होत असल्याचे पाहायला मिळत आहे. मात्र, अश्यातच एक धक्कादायक बातमी समोर आली असून त्यामुळे चित्रपट निर्मात्याना मोठा फटका बसण्याची शक्यता आहे. मिळालेल्या माहितीनुसार, ‘अॅनिमल’ रिलीज झाल्यानंतर काही तासांत फुल एचडी प्रिंटमध्ये ऑनलाइन लीक झाला होता.
टेलिग्राम, तमिलरॉकर्स, मूवीरुल्झ, तमिलएमव्ही, फिल्मझिला, इबोम्मा यांसारख्या टोरेंट वेबसाइटवर विनामूल्य उपलब्ध झाला आहे. तसेच, हा चित्रपट रेग्युलर फॉरवर्डप्रमाणे व्हॉट्सअॅपवरही शेअर केला जात आहे. इतकंच नाही तर ‘अॅनिमल’ प्रमाणे विकी कौशलचा ‘साम बहादूर’ हा चित्रपटही इंटरनेटवर लीक झाल्याचं बोललं जात आहे.