Maidaan OTT Release| अभिनेता अजय देवगणचा ‘मैदान’ चित्रपट बॉक्स ऑफिसवर चांगली कामगिरी करू शकला नाही. १० एप्रिल रोजी ईदला प्रदर्शित झाला हा चित्रपट आता अवघ्या एका महिन्यात ओटीटीवर येण्यास सज्ज झाला आहे.
अजय देवगण आणि प्रियामणीचा ‘मैदान’ प्राइम व्हिडिओवर रिलीज झाला आहे. हा चित्रपट हिंदी आणि इंग्रजीमध्ये रिलीज करण्यात आला आहे. पण हा चित्रपट प्राइम व्हिडीओचे सबस्क्रिप्शन असूनही फ्री मध्ये पाहता येणार नाही. यासाठी तुम्हाला ३४९ रुपये मोजावे लागणार आहे. तुम्हाला हा चित्रपट प्राइमवर मोफत पाहायचा असेल, तर तुम्हाला आणखी दोन आठवडे वाट पाहावी लागेल. हा चित्रपट दोन आठवड्यांनंतर मोफत प्रदर्शित होणार आहे.
Hindi film #Maidaan is now available on rent on Amazon Prime Video Store.
It will stream without rent from June 5th. pic.twitter.com/fkQ9mS4M1h
— Streaming Updates (@OTTSandeep) May 22, 2024
‘मैदान’ हा एक स्पोर्ट्स ड्रामा चित्रपट आहे. भारतीय फुटबॉल प्रशिक्षक सय्यद अब्दुल रहीम यांच्या जीवनावर आधारित हा बायोपिक आहे. अजयने यात सय्यद अब्दुल रहीम यांची भूमिका साकारली आहे. या चित्रपटात अभिनेत्री प्रियामणी देखील आहे. यात तिने या रहीमच्या पत्नीची भूमिका साकारली आहे. याशिवाय यात गजराज राव, रुद्रनील घोष हे कलाकारही होते.
साधारण २३५ कोटी रुपयांचे बजेट असलेल्या या चित्रपटाने बॉक्स ऑफिसवर फक्त 70 कोटी रुपये कमावले. बॉक्स ऑफिसवर हा चित्रपट अयशस्वी ठरल्यानंतर आता ओटीटीवर प्रदर्शित झाल्यावर हा चित्रपट प्रेक्षकांच्या पसंतीस पडेल का? हे पहावे लागणार आहे.
हेही वाचा:
सुपरस्टार अभिनेता अल्लू अर्जुनने जिंकली चाहत्यांची मनं
