न्यूयॉर्क : जगात अपघाताच्या अनेक घटना घडतात ज्यामुळे आपण हादरून जातो. अशीच हादरून सोडणाऱ्या घटनेचा व्हिडीओ सध्या सोशल मीडियावर व्हायरल झाला आहे. धावपट्टीवरून आकाशात झेपावलेल्या विमानाच्या इंजिने अचानक पेट घेतल्याची धक्कादायक घटना समोर आली आहे. विमान आकाशात झेप घेताच काही वेळातच डावीकडून बाजूस धूर येऊन इंजिनमध्ये आग लागली. अचानक घडलेल्या या घटनेने विमानातील प्रवाशांचा जीव मुठीत आला होता. अमेरिकेतील डेन्व्हेर विमानतळावरून उड्डाण भरल्यानंतर ही थरारक घटना घडली आहे.
Engine failure on Boeing 777 United aircraft. Plane took off from Denver and returned safely in 20 minutes. Engine parts fell soon after take off. Pilots flew the aircraft back safely. Look at the engine, it's hardly in shape. pic.twitter.com/gByQ9Sj85q
— Nagarjun Dwarakanath (@nagarjund) February 21, 2021
युनाटेड एअरलाइन्सच्या विमानाने डेन्व्हर आंतरराष्ट्रीय विमानतळावरून उड्डाण केल्यानंतर काही वेळातच ही घटना घडली. अमेरिकेच्या विमान वाहतूक संचालन प्रशासनाने या घटनेला दुजोरा दिला आहे. विमान कंपनीने दिलेल्या माहिती नुसार बोईंग ७७७-२०० हे प्रवासी विमान १० क्रू मेम्बर्स आणि २३१ प्रवाशी घेऊन होनोलूलूकडे निघाले होते. डेन्व्हर आंतरराष्ट्रीय विमानतळावरून उडाण घेतल्यानंतर काही वेळातच विमानाच्या इंजिनाने पेट घेतला.
त्यानंतर विमान तातडीने पुन्हा डेन्व्हेर विमानतळावर उतरवण्यात आले. प्रसंगावधान राखत वेळीच विमान उतरवण्यात आल्याने या थरारक घटनेत सुदैवानं कोणतीही जीवितहानी झाली नाही. विमान उतरवण्यात आल्यानंतर ब्रुमफिल्ड पोलिसांनी विमानाचे फोटो पोस्ट केले आहेत. या घटनेचा व्हिडीओही सोशल मीडियावर पोस्ट करण्यात आला आहे.
सोशल मीडियावर व्हायरल झालेल्या या व्हिडीओत विमानाच्या डाव्या बाजूकडून प्रचंड धूर निघत असून, इंजिनने पेट घेतल्याचे दिसत आहे. एका प्रवाशाचा आवाजही येत असून, काहीतरी फुटलं आहे, असं तो म्हणत आहे. त्याचबरोबर व्हिडीओ वैमानिक नियंत्रण कक्षाशी संवाद करत असल्याचा आवाजही येत आहे.