आज जुलै महिन्याचा शेवटचा दिवस आहे. ऑगस्ट महिन्याच्या सुरुवातीला आर्थिक जगाशी संबंधित अनेक नियम बदलणार आहेत. या नियमांमध्ये आयटीआर रिटर्न्स व्यतिरिक्त जीएसटी आणि क्रेडिट कार्ड पेमेंटशी संबंधित नियमांचा समावेश आहे. अशा परिस्थितीत नियम बदलाचा थेट परिणाम तुमच्या खिशावर होईल. 1 ऑगस्ट 2023 पासून, GST, पेमेंट सिस्टमशी संबंधित विविध बदल अंमलात येतील, तसेच LPG, PNG आणि व्यावसायिक गॅसच्या किमती बदलतील अशी अपेक्षा आहे. 1 ऑगस्टपासून होणार्या प्रमुख बदलांबद्दल जाणून घेऊया.
जीएसटीचे नियम बदलतील –
सरकारच्या घोषणेनुसार, 1 ऑगस्ट 2023 पासून, 5 कोटी रुपयांपेक्षा जास्त उलाढाल असलेल्या व्यावसायिकांना इलेक्ट्रॉनिक इनव्हाइस द्यावे लागतील. अशा परिस्थितीत, जीएसटीच्या कक्षेत येणाऱ्या व्यावसायिकांनी संबंधित नियमांची तपशीलवार माहिती घेऊन इलेक्ट्रॉनिक इनव्हाइस तयार करणे आवश्यक आहे.
आयकर रिटर्न भरण्याची आज शेवटची तारीख –
आज म्हणजेच 31 जुलै ही आयकर रिटर्न भरण्याची शेवटची तारीख आहे, त्यामुळे १ ऑगस्टपासून आयटीआर भरणाऱ्यांना दंड भरावा लागेल. 5 लाखांपेक्षा जास्त उत्पन्न असलेल्या लोकांनी आज मध्यरात्री 12 वाजेपर्यंत आयटीआर भरला नाही, तर उद्यापासून असे केल्यास त्यांना 1 रुपये ते 5,000 रुपयांपर्यंतचा दंड भरावा लागू शकतो. आयकर रिटर्न भरण्याची तारीख वाढवण्याची कोणतीही घोषणा सरकारने केलेली नाही.
बँकांना 14 दिवस सुटी –
रक्षाबंधन, स्वातंत्र्य दिनासह विविध सणांमुळे ऑगस्टमध्ये 14 दिवस बँक शाखा बंद राहणार आहेत. या सुट्यांमध्ये शनिवार आणि रविवारच्या साप्ताहिक सुट्ट्यांचाही समावेश आहे. मात्र, या १४ दिवसांच्या सुट्यांमध्ये बँकांच्या ऑनलाइन सेवा सुरू राहतील.
एलपीजी सिलिंडरच्या किमती बदलणार? –
ऑगस्टमध्ये एलपीजी तसेच व्यावसायिक सिलिंडरच्या किमतीत बदल होण्याची शक्यता आहे. तेल कंपन्या दर महिन्याच्या 1 आणि 16 तारखेला एलपीजीची किंमत बदलतात. याशिवाय पीएनजी आणि सीएनजीचे दरही बदलू शकतात.
पेट्रोल आणि डिझेलच्या दरातही बदल होऊ शकतो –
तेल कंपन्या दर महिन्याच्या शेवटच्या तारखेला मध्यरात्री पेट्रोल आणि डिझेलचे दर जाहीर करतात. अशा परिस्थितीत १ ऑगस्टपासून पेट्रोल आणि डिझेलच्या दरातही बदल होऊ शकतो. गेल्या वर्षी 21 मे पासून देशात पेट्रोल आणि डिझेलचे दर स्थिर आहेत.
क्रेडिट कार्ड कॅशबॅकशी संबंधित नियमांमध्ये बदल होणार –
तुम्ही अॅक्सिस बँकेचे क्रेडिट कार्ड वापरत असाल तर नवीन नियमांनुसार, Axis Bank आणि Flipkart वरून खरेदी करणाऱ्यांना 12 ऑगस्टपासून खरेदीवर कॅशबॅक मिळेल.