राष्ट्रीय युद्ध स्मारक उदघाटनाप्रसंगी पंतप्रधानांचा काँग्रेसवर निशाणा

नवी दिल्ली : देशासाठी सर्वोच्च बलिदान देणाऱ्या जवानांप्रती कृतज्ञता दर्शवण्यासाठी उभारण्यात आलेल्या राष्ट्रीय युद्ध स्मारकाच्या उदघाटनाचा कार्यक्रम आज नवी दिल्ली येथे पंतप्रधान नरेंद्र मोदी यांच्या हस्ते आयोजित करण्यात आला आहे. राष्ट्रीय युद्ध स्मारकाचे लोकार्पण सोहळ्याप्रसंगी पंतप्रधान नरेंद्र मोदी यांनी उपस्थितांना संबोधित करताना काँग्रेसवर चांगलाच निशाणा साधला.

यावेळी बोलताना पंतप्रधान नरेंद्र मोदी म्हणाले की, “सन २००९ मध्ये, लष्कराने 1 लाख 86 हजार बुलेट प्रूफ जॅकेटची मागणी केली होती. मात्र 2009 ते 2014 या पाच वर्षांच्या कालावधीमध्ये सैन्यासाठी बुलेटप्रूफ जॅकेट खरेदी केली गेली नाही. मात्र गेल्या साडेचार वर्षांमध्ये आमच्या सरकारने 2 लाख 30 हजार बुलेट प्रूफ जॅकेट्स खरेदी केली.”

-Ads-
दैनिक प्रभातचे फेसबुक पेज लाईक करा

पंतप्रधान मोदी यांनी यावेळी बोलताना त्यांनी गांधी घराण्यावर हल्ला चढवताना म्हंटले की, “बोफोर्सपासून हेलीकॉप्टर घोटाळ्यापर्यंतचे सर्वच प्रश्न एकाच कुटुंबाकडे बोट उठवतात. आता हेच लोक रॅफेल विमान भारतात येऊ यासाठी संपूर्ण ताकद लावत होते मात्र पुढील काही महिन्यांमध्ये जेव्हा देशाचे पहिले राफेल आकाशात उडेल, तेव्हा दुष्मनांच्या अंगावर काटे उभे राहतील.”

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)