नागपूरात मध्यरात्री फटाके फोडणाऱ्या 63 जणांवर कारवाई

नागपूर  – सर्वोच्च न्यायालयाच्या आदेशाचे पालन न करता रात्री 10 नंतर फटाके उडवणाऱ्या तसेच प्रतिबंधित फटाके विकणाऱ्या 63 जणांवर कारवाई केली आहे. नागपूरच्या जरीपटका पोलीस स्टेशनच्या हद्दीत 23 जणांवर कारवाई करण्यात आल्याची माहिती नागपूर पोलिसांनी दिली.

सर्वोच्च न्यायालयाने वाढते प्रदुषण रोखण्यासाठी व पर्यावरणाचे हित लक्षात घेत फटाके फोडणे आणि विकण्याबाबत काही दिशा-निर्देश जारी केले होते. त्यानुसार रात्री 10 वाजेनंतर फटाके फोडण्यास न्यायालयाने बंदी घातली होती. त्यानंतर दिवाळीच्या पार्श्‍वभूमीवर प्रदूषण रोखण्यासाठी मदत करू पाहणाऱ्या सर्वोच्च न्यायालयाच्या या आदेशाचे नागरिकांनी आणि फटाके विक्रेत्यांनी पालन करावे, असे आवाहन पोलीस आणि प्रशासनाकडूनही करण्यात आले होते.

शहरात 10 वाजेपर्यंत मोठे फटाके फोडणाऱ्यांविरुद्ध कारवाई करण्यासाठी सर्वच पोलीस ठाण्यात विशेष पथकही तैनात करण्यात आली होती. मात्र अनेकांनी सर्वोच्च न्यायलयाच्या आदेशाचे पालन न करता रात्री उशिरापर्यंत फटाक्‍यांची आतषबाजी सुरु ठेवली. त्यामुळे नागपूर पोलिसांनी रात्री 10 नंतर फटाके फोडणाऱ्या 63 जणांवर कारवाई केली आहे.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)