Election Result 2023 – तेलंगणात बहुमताचा जादुई आकडा गाठल्यानंतरही काँग्रेसचा त्रास कमी झालेला नाही. राज्याचा मुख्यमंत्री कोण असावा हे ठरवणे पक्षासाठी कठीण काम ठरत आहे. बहुमत मिळून दोन दिवस उलटले तरी, मुख्यमंत्र्यांच्या नावावर निर्णय झालेला नाही. सोमवारी सायंकाळी राजभवनात मुख्यमंत्रिपदाची शपथ देण्याची तयारी सुरू होती, यावरून पक्षात काय सुरू आहे, याचा अंदाज येतो. नियोजनानुसार राजभवनात सर्व तयारी करण्यात आली होती, मात्र शेवटच्या क्षणी हा प्लॅन रद्द करण्यात आला.
पुन्हा एकदा मुख्यमंत्री निवडीसाठी कसरत सुरू होती. सोमवारी सायंकाळी होणाऱ्या शपथविधी सोहळ्यासाठी राजभवनात सर्व तयारी पूर्ण करण्यात आली होती. रिपोर्टनुसार, राजभवनात रेड कार्पेटपासून पांढऱ्या खुर्च्या लावण्यात आल्या होत्या. माईक व इतर व्यवस्था करण्यात आली होती. फुलांच्या ऑर्डरही देण्यात आल्या होत्या
दरम्यान, निवडणुकीपूर्वी आणि तेलंगणा काँग्रेसचे प्रमुख रेवंत रेड्डी यांचे नाव मुख्यमंत्रीपदाच्या शर्यतीत आघाडीवर होते. पक्षाने निवडणूक जिंकली तेव्हाही त्यांचे नाव पुढे होते. रेवंत रेड्डी हे तेलंगणातील काँग्रेसच्या प्रचाराचा चेहरा होते. त्यांना राहुल गांधी आणि प्रियांका गांधी यांचाही पाठिंबा आहे, मात्र पक्षाच्या वरिष्ठ नेत्यांनी आघाडी उघडल्याचे बोलले जात आहे. रिपोर्टनुसार, उत्तम कुमार रेड्डी, भट्टी विक्रमार्का, कोमातीरेड्डी वेंकट रेड्डी, दामोदर राजनरसिंह हे रेवंत रेड्डी यांच्या नावाला अंतर्गत विरोध करत आहे.
