लखनऊ – उत्तरप्रदेशमध्ये लखनऊ आनंद विहार( दिल्ली) या डबल डेकर रेल्वेचे दोन डबे रुळावरुन घसरल्याची घटना घडली आहे. या अपघातामध्ये कुणी जखमी झाल्याची माहिती अद्याप मिळालेली नाही. या घटनेत रेल्वेची पाचवी आणि आठवी बोगी रुळावरून घसरली. सध्या मदत आणि बचाव कार्य युद्धपातळीवर सुरू करण्यात आले आहे.
Two coaches of Lucknow-Anand Vihar(Delhi) double decker train derail near Moradabad. No injuries reported. More details awaited. pic.twitter.com/3KTXs8buyp
— ANI UP (@ANINewsUP) October 6, 2019
दरम्यान, अपघात झाल्यानंतर रेल्वे विभागाचे पथक तत्काळ घटनास्थळी दाखल झाले आहे. दिल्लीतील आनंद विहार या ठिकाणी जात असताना रेल्वे मुरादाबाद आणि कटघर दरम्यान रुळावरुन खाली घसरली. ही घटना लेवल क्रॉसिंग गेट नंबर ४१५ वर घडला. बचाव पथकाने मदतकार्य सुरू केले आहे.