नवी दिल्ली – पब्जी खेळण्यास आईने विरोध केल्याने एका 17 वर्षीय मुलाने आत्महत्या केल्याचे समोर आले आहे. हरयाणातील जिंदमध्ये शनिवारी ही घटना घडली. दहावीनंतर या मुलाने शिक्षण सोडले होते.
दिवसातील बराच वेळ तो पब्जी खेळायचा. घटना घडली त्या दिवशीही तो आपल्या खोलीत पब्जी खेळत होता. त्याच्या आईने हे पाहिल्यानंतर त्याच्या हातून मोबाइल हिसकावला. यानंतर रागाच्या भरात त्या तरुणाने गळफास घेऊन आत्महत्या केली. मृत मुलाचे वडील पोलीस विभागात नोकरी करतात.