Amir Khan Sarfarosh Film| बॉलीवूड अभिनेता आमिर खानचा ‘सरफरोश’ हा चित्रपट सुपरहिट झाला होता. आजही हा चित्रपट प्रेक्षकांकडून तेवढ्याच आवडीने पाहिला जातो. नुकतेच या चित्रपटाला 25 वर्ष पूर्ण झाली आहे. यानिमित्त मुंबईत एका शानदार इव्हेंटचं आयोजन करण्यात आले होते. यात या सिनेमातील कलाकार मंडळींनी हजेरी लावली होती. मराठमोळी अभिनेत्री सुकन्या मोने यांनी देखील या चित्रपटात काम केले आहे. त्यांनीही या इव्हेंटला हजेरी लावली होती.

सुकन्या मोने यांनी सोशल मीडियावर एक पोस्ट शेअर करत या कार्यक्रमाविषयी लिहिले आहे. “कालचा दिवस खास होता…. माझ्या आयुष्यात पहिल्यांदाच असे घडतं होते…. आपण एखादा सिनेमा करतो आणि काही वर्षांनी तो गतस्मृतीत जातो…. पण ‘ सरफरोश ‘ हा सगळ्याच दृष्टीने माझ्यासाठी विशेष उल्लेखनीय चित्रपट आहे.आमिर खान माझा लाडका अभिनेता त्याच्याबरोबर काम करण्याची संधी मला मिळणार होती.”

 

View this post on Instagram

 

A post shared by Sukanya Kulkarni Mone (@sukanyamoneofficial)

पुढे त्या लिहितात, “माझी आणि जॉन Mathew matthan ची पहिली भेट… दिल्लीतले चित्रीकरण…. माझी, सोनालीची आणि स्मिता जयकरची झालेली घट्ट मैत्री… आम्ही केलेली धमाल…. त्या चित्रपटाला काल २५ वर्षे झाली आणि त्या निमित्ताने @radionasha ने ठेवलेला खास show…. Thank you so much @rotalks …. त्यानिमित्ताने झालेलं re union…. सगळ्या जुन्या आठवणी….”

“शूटिंग दरम्यान झालेल्या गमंती जमंती…. इतक्या वर्षांनी सोनालीने मारलेली घट्ट मिठी … आमिर चे मराठी बोलण,वागण्यातला आपलेपणा, काळजी… मनोज जोशी ची भेट….जॉन आणि आभा चे अगत्याचे आमंत्रण…. जॉनचा साधेपणा… त्याच्या कुटुंबाचा आपलेपणा… भारवून गेले होते. …. पुन्हा पुन्हा भेटत राहू. Waiting for Sarfarosh 2.”

सुकन्या मोने यांनी ‘सरफरोश’ मध्ये आमिरच्या वहिनीची भूमिका साकारली होती. तर अभिनेता आमिर खानने यात मुख्य भूमिका साकारली होती. हा चित्रपट 30 एप्रिल 1999 रोजी रुपेरी पडद्यावर प्रदर्शित झाला. या चित्रपटाचं दिग्दर्शन जॉन मॅथ्यू माथन यांनी केले होते.  Amir Khan Sarfarosh Film|

आमिर खानच्या वर्क फ्रंटबद्दल बोलायचे झाले तर, तो  शेवटचा ‘लाल सिंह चड्ढा’ मध्ये दिसला होता. हा चित्रपट बॉक्स ऑफिसवर चांगली  कमाई करू शकला नाही. यामध्ये आमिर आणि करीना कपूर खान यांची मुख्य जोडी होती. आमिर सध्या ‘लाहोर 1947’ आणि ‘सीतारे जमीन पर’मध्ये काम करत आहे. Amir Khan Sarfarosh Film|

हेही वाचा: 

जान्हवी कपूर फोटोग्राफर्सवर चिडली