‘तानाजी’ चित्रपटाचा दमदार टिझर आउट

मुंबई – ‘स्वराज्य’ निर्मितीच्या पवित्र कार्यात अनेक मावळ्यांनी आपल्या प्राणांची आहुती दिली. शिवकालीन इतिहासाच्या पानांवर या मावळ्यांचं कर्तृत्त्व सोनेरी अक्षरात कोरलं आहे. या मावळ्यांपैकी एक नाव म्हणजेच तानाजी मालुसरे.

तानाजींच्या पराक्रमाची कथा सांगणारा ‘तानाजी : द अनसंग वॉरियर’ हा ऐतिहासिक चित्रपट लवकरच मोठ्या पडद्यावर पाहायला मिळणार आहे. चित्रपटात वीर तान्हाजी मालुसरे यांची व्यक्तीरेखा अभिनेता अजय देवगन साकारणार असून, अभिनेत्री काजोल आणि अभिनेता सैफ अली खान, शरद केळकर, पंकज त्रिपाठी अशी दमदार स्टारकास्ट चित्रपटात दिसून येणार आहे.

दरम्यान, आज ‘तानाजी: द अनसंग वॉरियर’ या चित्रपटाचा ऑफिशल टिझर रिलीज करण्यात आला आहे. १२ सेकंदाच्या या व्हिडिओमध्ये ‘स्वराज्यापेक्षा जास्त प्रिय महाराजांसाठी काहिच नसल्याचं दाखवण्यात आलं आहे’. ‘तान्हाजी- द अनसंग वॉरियर’ १० जानेवारी २०२० रोजी चित्रपट गृहात येणार आहे.

Leave A Reply

Your email address will not be published.