पिंपरी, (प्रतिनिधी) – झारखंड येथे आयोजित शालेय राष्ट्रीय वुशू स्पर्धेमध्ये सदन अन्सारी याने ब्राँझ पदक मिळवले. १७ वर्षांखालील मुलांच्या ४८ किलो वजनी गटांमध्ये त्याने हे यश प्राप्त केले. अन्सारी पिंपरी-चिंचवड महापालिका क्रीडा प्रबोधिनी विद्यालयाचा विद्यार्थी आहे.
विद्यालयाचे प्राचार्य जयराम वायळ, पर्यवेक्षक रंगनाथ गुंजाळ, अंकुश चव्हाण व शालेय व्यवस्थापन पालक संघाचे सचिन शिंगोटे, पिंपरी-चिंचवड महापालिकेचे सहायक आयुक्त (माध्यमिक शिक्षण) विजयकुमार थोरात यांनी सदन याचे अभिनंदन केले.या स्पर्धांसाठी त्याला ऋषिकांत वचकल यांचे मार्गदर्शन लाभले.