IPL 2024 (RR vs SRH Qualifier2) : आयपीएल 2024 या मोसमातील दुसरा क्वालिफायर सामना आज सनरायझर्स हैदराबाद आणि राजस्थान रॉयल्स यांच्यात एमए चिदंबरम स्टेडियम, चेन्नई येथे खेळला गेला. या सामन्यात सनरायझर्स हैदराबादने राजस्थान रॉयल्सचा 36 धावांनी पराभव केला आहे. यासह SRH आयपीएल 2024 च्या फायनलमध्ये पोहोचला आहे आणि 26 मे रोजी ते कोलकाता नाईट रायडर्स (KKR) चा विजेतेपदाच्या लढतीत सामना करतील.
या सामन्यात प्रथम खेळताना हैदराबादने 20 षटकांत 9 गडी गमावून 175 धावा केल्या होत्या. प्रत्युत्तरात राजस्थानचा संघ 20 षटकांत 7 बाद केवळ 139 धावा करू शकला.लक्ष्याचा पाठलाग करताना यशस्वी जयस्वालने राजस्थानला चांगली सुरुवात करून दिली, मात्र तो बाद झाल्यानंतर संघाची लय विस्कळीत झाली. जैस्वालने 21 चेंडूत 42 धावा केल्या आणि या खेळीत त्याने 4 चौकार आणि 3 षटकार मारले.ध्रुव जुरेलने अर्धशतक झळकावून संघाला सामन्यात टिकवून ठेवण्याचा प्रयत्न केला असला, तरी आवश्यक धावगती इतकी जास्त होती की जुरेलचे प्रयत्नही कामी येऊ शकले नाहीत. राजस्थान 20 षटकांत सात गडी गमावून 139 धावाच करू शकला आणि त्यांना 36 धावांनी पराभवाला सामोरं जावं लागलं.
अभिषेक शर्माची फलंदाजीत नव्हे तर गोलंदाजीत चमकदार कामगिरी….
या सामन्यात सनरायझर्स हैदराबादचा खेळाडू अभिषेक शर्माने 5 चेंडूत 12 धावा केल्या आणि SRHच्या डावाच्या पहिल्याच षटकात तो बाद झाला. पण राजस्थान रॉयल्सविरुद्धच्या सामन्यात त्याने एक-दोन नव्हे तर चार षटके टाकली. अभिषेकने 4 षटकात अवघ्या 24 धावा देत दोन महत्त्वाचे बळी घेतले. प्रथम त्याने संजू सॅमसनला 10 धावांवर एडन मार्करामकडे झेलबाद केले आणि त्यानंतर अवघ्या 4 धावांवर शिमरॉन हेटमायरला झेलबाद केले.त्याच्यासोबत शाहबाज अहमदच्या फिरकीची जादू चालली, ज्याने 4 षटकात 23 धावा देत 3 बळी घेतले.
तत्पूर्वी, सनरायझर्स हैदराबादने प्रथम खेळताना राजस्थान रॉयल्सविरुद्ध 175 धावा केल्या. हैदराबादकडून सर्वाधिक धावा हेन्रिक क्लासेनने केल्या, ज्याने 34 चेंडूत 50 धावा केल्या. ट्रेंट बोल्टने पॉवरप्ले ओव्हर्समध्ये एसआरएचच्या तीन बॅट्समनना बाद केले होते आणि त्यांच्याशिवाय आवेश खानच्या बॉलिंगने मधल्या ओव्हर्समध्येही कहर केला होता. या सामन्यात बोल्ट आणि आवेश खान या दोघांनी प्रत्येकी तीन विकेट घेतल्या. क्लासेनशिवाय राहुल त्रिपाठीने 15 चेंडूत 37 धावा केल्या आणि ट्रॅव्हिस हेडनेही 34 धावांचे महत्त्वपूर्ण योगदान दिले. मधल्या षटकांमध्ये खराब फलंदाजीमुळे, सनरायझर्स हैदराबाद SRH चेपॉक फलंदाजीच्या खेळपट्टीवर मोठी धावसंख्या करण्यात अपयशी ठरला.
Innings Break!
A competitive 🎯 of 1️⃣7️⃣6️⃣ for a place in the #Final ‼️
Which way is it going folks – 🩷 or 🧡
Chase starts 🔜
Scorecard ▶️ https://t.co/Oulcd2G2zx#TATAIPL | #Qualifier2 | #SRHvRR | #TheFinalCall pic.twitter.com/lt9pGK5kLh
— IndianPremierLeague (@IPL) May 24, 2024
नाणेफेक जिंकल्यानंतर राजस्थान रॉयल्सने सनरायझर्स हैदराबादला फलंदाजीसाठी आमंत्रित केले. पहिल्या षटकात अभिषेक शर्माने नक्कीच आक्रमक फलंदाजी केली, पण एक चौकार आणि एक षटकार मारल्यानंतर त्याने 12 धावा करताना ट्रेंट बोल्टच्या गोलंदाजीवर विकेट गमावली. तिसऱ्या क्रमांकावर फलंदाजीला आलेल्या राहुल त्रिपाठीने येताच चेंडू सीमारेषेकडे पाठवण्यास सुरुवात केली. त्रिपाठी खूप चांगल्या टचमध्ये दिसत होता आणि त्याने 15 चेंडूंच्या खेळीत 37 धावा करताना 5 चौकार आणि 2 षटकार मारले होते, परंतु पाचव्या षटकात ट्रेंट बोल्टने त्यालाही बाद केले. त्याच षटकात एडन मार्करमही केवळ एक धाव घेत पॅव्हेलियनमध्ये परतला. चांगली सुरुवात असूनही, हैदराबादने (SRH) पॉवरप्ले षटकांत 68 धावांत 3 गडी गमावले होते.
येथून धावगती अतिशय संथ झाली आणि दबावाखाली नितीश रेड्डी (05 धावा) आणि अब्दुल समद (0) बाद झाले. दरम्यान, हेन्रिक क्लासेनने 18 व्या षटकात आपले अर्धशतक पूर्ण केले, परंतु तो वादळी पद्धतीने डाव संपवण्यापूर्वीच संदीप शर्माने त्याला बोल्ड केले. शाहबाज अहमदने 18 चेंडूत 18 धावा केल्या. सतत पडणाऱ्या विकेट्समुळे एसआरएचला निर्धारित 20 षटकांत 9 बाद केवळ 175 धावाच करता आल्या.
IPL 2024 (KKR vs SRH Qualifier 1) : कोलकाताने गाठली अंतिम फेरी, हैदराबादचा 8 गडी राखून केला पराभव…
वेगवान गोलंदाजांचा प्रभावी मारा…
या सामन्यात राजस्थान रॉयल्सच्या फिरकी गोलंदाजांची चांगलीच धुलाई झाली. एकीकडे रविचंद्रन अश्विनने अवघ्या 4 षटकांत 43 धावा दिल्या. हा स्पेल त्याच्यासाठी वाईटही होता कारण तो एकही विकेट घेऊ शकला नाही. दुसरीकडे युझवेंद्र चहललाही एकही विकेट घेता आली नाही आणि त्याने चार षटकांत 34 धावा दिल्या. दोन्ही फिरकीपटूंनी मिळून हैदराबाद विरुद्ध 8 षटकात 77 धावा दिल्या. दुसरीकडे, वेगवान गोलंदाजांनी 12 षटकात एकूण 97 धावा दिल्या आणि वेगवान गोलंदाजांनी डावात पडलेल्या सर्व 8 विकेट घेतल्या.