Pakistan : तेहरिक- ए-तालिबान दहशतवादी संघटनेचा वरिष्ठ कमांडर चकमकीमध्ये ठार…
इस्लामाबाद :– तेहरिक- ए-तालिबान पाकिस्तान या बंदी घातलेल्या दहशतवादी संघटनेचा वरिष्ठ कमांडर शनिवारी खैबर पख्तुनख्वा प्रांतात सुरक्षा रक्षकांबरोबरच्या चकमकीमध्ये मारला गेला. गुप्तचरांकडून मिळालेल्या माहितीच्या आधारे खैबर पख्तुनख्वा प्रांताच्या काऊंटर टेरेरिझम डिपार्टमेंटने बनाऊ भागात केलेल्या कारवाईमध्ये वल्लीउल्लाह हा कमांडर मारला गेला.
मलंग अड्डाजवळ ताजुरी रोड येथे ही कारवाई करण्यात आली. त्यानंतर सशस्त्र दहशतवाद्यांनी पोलिसांवर गोळीबार केला. सुरक्षा दलांनी प्रत्युत्तरादाखल केलेल्या गोळीबारात वलीउल्लाह (TTP commander Waliullah)मारला गेला. तो टीटीपी टिपू गुल गटाचा स्थानिक कमांडर होता आणि कमांडर अतीकुर रहमान उर्फ टिपू गुल मारवतचा जावई होता. बन्नू, भागातील सीटीडीचे डीआय खान आणि स्थानिक पोलिसांवर बॉम्बस्फोट, पोलिस आणि सुरक्षा दलांवर हल्ले अशा अनेक प्रकरणांमध्ये वलीउल्लाहला वॉन्टेड होता.
अल कायदाशी संबंधित असलेल्या अनेक दहशतवादी संघटनांसाठी २००७ मध्ये टीटीपी ही एक पालक संघटना म्हणून स्थापन करण्यात आली आहे. या संघटनेकडून २००९ मध्ये लष्करी मुख्यालय, लष्करी तळांवर आणि २००८ मध्ये इस्लामाबादेतील मायक्रोसॉफ्ट हॉटेलवरही हल्ले केला होता.
