मुंबई – सूपर मार्केटमध्ये किंवा वॉक इन स्टोअरमध्ये शेल्फ-इन-शॉप (Shelf in Shop) या पद्धतीने वाईनची विक्री ही संकल्पना राबविण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री उद्धव ठाकरे उपस्थित होते.
#मंत्रिमंडळनिर्णय#राष्ट्रीयशैक्षणिकधोरण २०२० संदर्भात स्थापन केलेल्या डॉ. रघुनाथ माशेलकर (@rameshmashelkar) समितीच्या कार्यगटाचा अहवाल सादर करण्यात आला. त्यावर या धोरणाच्या अंमलबजावणीसाठी मुख्यमंत्र्यांच्या अध्यक्षतेखाली कार्यगट स्थापन करण्याचा निर्णय घेण्यात आला. pic.twitter.com/gM8zJAlR9l
— MAHARASHTRA DGIPR (@MahaDGIPR) January 27, 2022
मंत्रिमंडळ बैठकीमध्ये घेण्यात आलेले महत्त्वाचे निर्णय पुढीलप्रमाणे-
(1) सामान्य प्रशासन विभाग
फोर्ट, मुंबई येथील सेंट्रल टेलिग्राफ ऑफिस इमारतीच्या पहिल्या मजल्यावरील जागा मुंबई उच्च न्यायालयाच्या कार्यालयीन वापरासाठी भाडेतत्त्वावर उपलब्ध करण्यास मान्यता.
(2) वित्त विभाग
सुपर मार्केटमध्ये किंवा वॉक इन स्टोअरमध्ये शेल्फ इन शॉप या पद्धतीने वाईनची विक्री ही संकल्पना राबवण्याचा निर्णय
(3) उच्च व तंत्रशिक्षण विभाग
राष्ट्रीय शैक्षणिक धोरण २०२० संदर्भात स्थापन करण्यात आलेल्या डॉ. रघुनाथ माशेलकर समितीचा अहवाल सादर. या धोरणाच्या अंमलबजावणीसाठी मुख्यमंत्र्यांच्या अध्यक्षतेखाली कार्यगट स्थापन करण्यास मान्यता.
(4) वैद्यकीय शिक्षण विभाग
राज्यातील शासकीय वैद्यकीय महाविद्यालये व रुग्णालयांच्या आस्थापनेवरील चिकित्सालयीन व अतिविशेषोपचार विषयातील कंत्राटी तत्त्वावर नियुक्तीबाबतच्या तरतुदीमध्ये सुधारणा करण्याचा निर्णय. प्राध्यापक व सहयोगी प्राध्यापक संवर्गातील अध्यापकांच्या मानधनात वाढ करणार.
(5) प्राचार्य अस्मिता वैद्य यांचे वेतन संरक्षित
मुंबईतील शासकीय विधी महाविद्यालयाच्या प्राचार्य श्रीमती अस्मिता वैद्य यांचे वेतन संरक्षित करण्याबाबतच्या प्रस्तावास आज झालेल्या मंत्रिमंडळ बैठकीत मान्यता.