आजकाल वजन वाढायला लागले की, डॉक्टर थायरॉईडची तपासणी करण्याचा सल्ला देतात. कारण अचानक वाढणाऱ्या वजनाच्या मुळाशी थायरॉईड असू शकते. बिघडलेल्या जीवनशैलीमुळे महिलांमध्ये याचे प्रमाण जास्त आढळते. पण योग्य आहार तुमचे या आजारापासून रक्षण करु शकतो.
बरं हे थायरॉईड प्रकरण नेमकं काय आहे? थायरॉईड ही एक लहान ग्रंथी असून तिचा आकार एका फुलपाखरासारखा असतो आणि ती मानेच्या खालच्या भागात असते. तिचं मुख्य कार्य म्हणजे शरीराच्या चयापचय क्रियेचं नियंत्रण ठेवणे असते.
थायरॉईड आहे हे कसे ओळखावे?
बद्धकोष्ठता (संडासला साफ न होणे), शरीराचं वजन अचानक कमी जास्त होणे, हात पाय थंड पडणे, त्वचा कोरडी पांढरी पडणे, ताणतणाव वाटणे, आळशीपणा येणे, शारीरिक आणि मानसिक विकासात अडथळे, केस गळणे ही थायरॉईडची लक्षणे आहेत.
थायरॉइडचे होण्याची कारणे गुंतागुंतीची असू शकतात. परंतु, काही पथ्य पाळल्यास होऊ घातलेले थायरॉइड विकार टाळता येतात. त्यासाठी आहार आणि व्यायाम महत्त्वाचा आहे. हर्बल ट्रीटमेंटने थायरॉईडची समस्या निश्चितपणे दूर होते.
चौरस आहार हा थायरॉईडला दूर ठेवण्यास महत्त्वाचा ठरतो. आयोडिन, लोह, अ जीवनसत्त्व यांचा समावेश असलेल्या पदार्थांचे सेवन हॉर्मोन्सच्या उत्पादनाला चालना देते.
साखर आणि पिष्टमय पदार्थांचे मर्यादित सेवन करावे. या दोन्ही पदार्थांमुळे वजन वाढते. ज्यामुळे थायरॉइडच्या उत्पादनावर आणि अभिसरणावर परिणाम होतो. तेल-तूप-चरबी वाढविणाऱ्या पदार्थांपासून दूर राहिल्याने हृदयविकार, डायबेटिससह हॉर्मोन्सच्या विकारांवर नियंत्रण मिळवता येतो.
दररोज 30 ते 60 मिनिटे व्यायाम केल्याने रक्ताभिसरण वाढते. ज्यामुळे रक्तातील थायरॉइड शरीराच्या सर्व पेशींपर्यंत पोहोचते.
हा आजार टाळण्यासाठी काय खावे?
सफरचंद खाणं हायपोथायरॉयडिज्म समस्येत फायदेशीर मानलं जातं. कारण सफरचंदात फायबर आणि क जीवनसत्वाचं प्रमाण जास्त असतं.
बेरी गटातील फळं खावीत. स्ट्रॉबेरी खाण्याचा सल्ला दिला जातो. बेरी आणि स्ट्रॉबेरी फळांमध्ये ऍण्टिऑक्सिड्ण्टसचं प्रमाण भरपूर असतं. त्याचा फायदा थायरॉइड ग्रंथीला होतो.
संत्री अवश्य खाव्यात. संत्र्यामध्ये क जीवनसत्व असतं. हायपोथायरॉयडिज्म समस्येत वजन कमी करण्यासाठी संत्री उपयुक्त ठरतात.
अननसात क जीवनसत्व असते. त्यामुळे अननस अवश्य खा.
आहाराची पथ्यं पाळल्यास थायरॉईड मध्ये वजन नियंत्रित ठेवणे शक्य होते.
थायरॉईडची समस्या असेल तर सोयाबीन, कोबी, ब्रोकोली, पनीर, बटर, जंक फूड, कॉफी यांचे आहारातील प्रमाण कमी करा.
नियमित तपासणी करून वैद्यच्या सल्ल्याने आहार, औषधे घ्यावीत.
एक नक्की जर आहार व जीवनशैली व्यवस्थित केली तर थायरॉईडपासून नक्की सुटका होऊ शकते.