Rekha Jhunjhunwala Wealth: रेखा झुनझुनवाला या महिलेने एका महिन्यात 650 कोटींची कमाई केली आहे. हा आकडा नक्कीच स्वप्नासारखा वाटत असला तरी तो खरा आहे. राकेश झुनझुनवाला यांच्या पत्नी रेखाने 3 स्टॉकमधून हे पैसे कमावले. या स्टॉकने 2023 मध्ये रेखा झुनझुनवाला यांना मल्टीबॅगर परतावा दिला. त्यांनी टायटनमधील त्यांच्या 5.4 टक्के हिस्सेदारीतून सर्वाधिक कमाई केली आहे.
मल्टीबॅगर स्टॉकने दिला जबरदस्त परतावा –
मल्टीबॅगर स्टॉक हे कोणत्याही कंपनीचे इक्विटी शेअर्स असतात. ते त्याच्या किमतीच्या अनेक पट परतावा देऊ शकते. इकॉनॉमिक टाईम्सच्या अहवालानुसार, या सूचीबद्ध कंपन्यांच्या शेअरहोल्डिंग रचनेनुसार झुनझुनवाला यांच्याकडे 25 शेअर्स आहेत. या तिमाहीत त्यांचे मूल्य 14 टक्क्यांनी वाढून 39000 कोटी रुपये झाले आहे. फक्त अशा कंपन्यांची माहिती देण्यात आली आहे ज्यात त्यांचा हिस्सा 1 टक्क्यांपेक्षा जास्त आहे.
टाटा मोटर्स डीव्हीआर शेअर्समध्ये 138 टक्क्यांनी वाढ –
यावर्षी टाटा मोटर्स डीव्हीआरच्या शेअर्समध्ये138 टक्क्यांनी वाढ झाली आहे. हा त्यांच्या पोर्टफोलिओमधील सर्वात मजबूत कामगिरी करणारा स्टॉक आहे. रिपोर्टनुसार, रेखा झुनझुनवाला यांची या कंपनीत 1.92 टक्के हिस्सेदारी आहे.
डीबी रियल्टी 108 टक्क्यांनी वाढली –
गुंतवणूकदार रेखा यांची डीबी रियल्टीमध्ये 2 टक्के भागीदारी आहे, या कंपनीच्या शेअर्समध्ये 108 टक्क्यांनी वाढ झाली आहे. पायाभूत सुविधा आणि रस्ते बांधकाम कंपन्यांचे शेअर यावर्षी जवळपास दुप्पट झाले आहेत.
झुनझुनवाला कुटुंबाची टायटनमध्ये सर्वाधिक भागीदारी –
झुनझुनवाला कुटुंबाची टायटनमध्ये सर्वात जास्त भागीदारी आहे, येथे त्यांची हिस्सेदारी सुमारे 5.4 टक्के आहे. टायटनच्या शेअर्समध्ये यंदा 39 टक्क्यांनी वाढ झाली असून झुनझुनवाला कुटुंबाची संपत्तीही 17 हजार कोटी रुपयांवर पोहोचली आहे. मार्च ते जून दरम्यान त्यांनी टायटनमध्ये गुंतवणूक केली होती.
रेखा झुनझुनवाला यांचीही टाटा मोटर्समध्ये 1.6 टक्के भागीदारी –
याशिवाय रेखा झुनझुनवाला यांची टाटा मोटर्समध्ये 1.6 टक्के भागीदारी आहे. त्याचे बाजारमूल्य सुमारे 3800 कोटी रुपये आहे. कंपनीच्या शेअर्समध्ये यंदा 88 टक्क्यांनी वाढ झाली आहे. टायटन आणि टाटा मोटर्स टाटा समूहाच्या मालकीच्या आहेत.
या कंपन्यांचाही त्यांच्या पोर्टफोलिओमध्ये समावेश –
याशिवाय रेखा झुनझुनवाला यांच्या पोर्टफोलिओमध्ये VA Tech Wabag, Wockhardt, Geojit Financial Services, Nazara Technologies, Karur Vysya Bank आणि Metro Brands यांचाही समावेश आहे.