Cricket and Politics : प्रसिद्ध क्रिकेटपटू युसूफ पठाण आता राजकीय खेळी खेळणार आहे. होय, पश्चिम बंगालच्या मुख्यमंत्री ममता बॅनर्जी यांच्या पक्ष तृणमूल काँग्रेसने (टीएमसी) त्याला लोकसभा निवडणुकीसाठी तिकीट दिले आहे. टीएमसीने 42 वर्षीय क्रिकेटरला बहरामपूर मतदारसंघातून उमेदवारी दिली आहे. असे मानले जात आहे की येथे त्यांचा सामना काँग्रेस नेते अधीर रंजन चौधरी यांच्याशी होऊ शकतो, जे 1999 पासून येथून खासदार आहेत.
जर आपण युसूफ पठाणच्या क्रिकेट कारकिर्दीवर नजर टाकली तर त्याने सप्टेंबर 2007 ते मार्च 2012 दरम्यान 57 एकदिवसीय आणि 22 टी-20 आंतरराष्ट्रीय सामने खेळले आहेत. क्रिकेटमधून राजकारणात आलेला पठाण हा एकमेव खेळाडू नाही. अशाच काही क्रिकेटपटूंवर एक नजर टाकूया….
गौतम गंभीर (BJP) : पूर्व दिल्लीचा खासदार आहे. पण, काही दिवसांपूर्वी त्याने यावेळी लोकसभा निवडणूक लढवणार नसल्याचे जाहीर केले आहे.
कीर्ती आझाद (TMC) : भाजप आणि काँग्रेस या दोन्ही पक्षांशी संबंधित होते. 2024 मध्ये TMC ने त्यांना दुर्गापूर लोकसभा मतदारसंघातून उमेदवारी दिली आहे.
नवज्योतसिंग सिद्धू ( Congress) : ते माजी भाजप नेते आहेत. माजी सलामीवीर पंजाबच्या राजकारणात सक्रिय आहेत. ते काँग्रेसच्या राज्य शाखेचे प्रमुख राहिले आहेत.
मनोज तिवारी (TMC) : तो पश्चिम बंगालच्या शिबपूर विधानसभा मतदारसंघातून आमदार आहे. ममता बॅनर्जी यांच्या नेतृत्वाखालील राज्य सरकारमध्ये तो मंत्रीही आहे.
मोहम्मद अझरुद्दीन ( Congress) : भारतीय क्रिकेट संघाचा माजी कर्णधार आहेत. 2009 मध्ये ते काँग्रेसच्या तिकिटावर उत्तर प्रदेशातील मुरादाबाद येथून खासदार झाले. गेल्या वर्षी नोव्हेंबरमध्ये त्यांनी तेलंगणा विधानसभेची निवडणूक लढवली होती, मात्र त्यांचा पराभव झाला होता.
चेतन चौहान (BJP) : ऑगस्ट 2020 मध्ये निधन त्यांचे झाले. चेतन हे मृत्यूच्या वेळी ते भाजपच्या उत्तर प्रदेश सरकारमध्ये मंत्री होते.
सचिन तेंडुलकर : मास्टर ब्लास्टर सचिन तेंडूलकर हा एप्रिल 2012 ते एप्रिल 2018 दरम्यान राज्यसभा सदस्य होता.
अंबाती रायडू ( YSR Congress ) : काही दिवसांपूर्वीच अंबाती रायडू याने आंध्र प्रदेशातील सत्ताधारी वायएसआर काँग्रेस पक्षात प्रवेश केला होता. पण, काही दिवसांतच त्याने पक्ष सोडला. त्याचा हा निर्णय खूपच आश्चर्यकारक होता.
याशिवाय श्रीशांत (भाजप), अशोक दिंडा (भाजप), मोहम्मद कैफ (काँग्रेस), मन्सूर अली खान ‘टायगर’ पतौडी (विशाल हरियाणा पार्टी) आणि विनोद कांबळी (लोक भारती पार्टी) या क्रिकेटपटूंचाही या यादीत समावेश आहे.