Ajit Pawar – राष्ट्रवादी कॉंग्रेसचे नेते आणि उपमुख्यमंत्री अजित पवार (Ajit Pawar) यांनी नागपुरातील रेशीम बाग ( Reshim Bagh ) येथे जाण्‍याचे टाळले आहे. भाजपच्या वतीने महायुतीतील घटक पक्ष असणाऱ्या शिवसेना व राष्ट्रवादी या पक्षांच्या आमदारांना रेशीमबागेत डॉक्टर हेडगेवार व गोळवलकर गुरुजी यांना अभिवादन करण्याकरता उद्या कार्यक्रमासाठी उपस्थित राहण्यचे निमंत्रण दिले आहे. अजित पवार येथे जाणार नसल्याची माहिती खात्रीलायक सुत्रांनी दिली आहे.
भाजपचे मुख्य प्रतोद आशिष शेलार यांच्या वतीने आमदारांना उपस्थित राहण्याचे निमंत्रण देण्यात आले होते. अजित पवार रेशीम बाग येथे जाणार नाही. मंगळवारी सकाळी भाजपचे सर्व आमदार डॉक्टर हेडगेवार व गोळवलकर गुरुजी यांना अभिवादन करण्यासाठी उपस्थित राहणार आहेत. यामधून अजित पवार यांनी काढता पाय घेतला.
अजित पवारांसोबत असणारे इतर आमदार जाणार का? याबाबत मात्र अद्याप कोणतीही माहिती समोर आलेली नाही. राजकीय वर्तुळात अजित पवार कार्यक्रमाला उपस्थित राहणार का? याकडे सर्वांचे लक्ष होते. परंतु पूर्वनियोजित कार्यक्रमांमुळे अजित पवार जाणार नसल्याची विश्वसनीय सूत्रांनी माहिती दिली आहे.
