नगर – शहरात होणाऱ्या प्रदूषणाबाबत, तसेच कचरा कचरा जाळल्याने होणाऱ्या प्रदूषणाबाबत महापालिकेला जाग आली आहे. प्रदूषण करणान्यांवर न्यायालयाने दिलेल्या आदेशानुसार व कारवाई करण्यासाठी विभाग प्रमुखांवर जबाबदारी निश्‍चित केली आहे. तसेच, याबाबत नियंत्रणासाठी नगररचनाकार सर्वेश चाफळे यांची नोडल अधिकारी म्हणून नियुक्ती केली आहे. ऐन दिवाळीत सीना नदीच्या प्रदूषणाचा मुद्दा ऐरणीवर आल्यानंतर मनपा आयुक्तांनी याबाबत आदेश जारी केले आहेत.
सीना नदी पात्रात सोडलेल्या रसायनामुळे नदीचे पाणी दूषित झाले होते. तसेच, परिसरात दुर्गंधी सुटली होती. कचरा जाळण्याचे प्रकारही शहरात वाढले आहेत. बांधकामे सुरू असलेल्या ठिकाणीही मोठ्याप्रमाणात वायू प्रदूषण होत आहे. या पार्श्वभूमीवर उच्च न्यायालयाने दिलेल्या निर्देशानुसार आयुक्तांनी नगररचना उच्च विभाग व घनकचरा व्यवस्थापन विभागावर कारवाईची जबाबदारी निश्‍चित केली आहे.
घरे व इमारतीची बांधकामे सुरू असलेल्या ठिकाणी कारवाईसाठी नगररचना विभागाने कारवाई करावी. शहरात व डंपिंग ग्राऊडवर कचरा जाळण्याच प्रकार घडल्यास घनकचरा व्यवस्थापन विभागाने कारवाई करावी. तसेच जणजागृतीसाठी शिक्षण विभागाला आदेश दिले आहेत. नोडल अधिकारी म्हणून नगररचनाकार सर्वेश चाफळे यांच्या नियंत्रणाखाली कारवाई केली जाणार आहे.
