Uttrakhand Bus Accident : उत्तराखंड (Uttrakhand) च्या नैनीताल (Nainital) मध्ये बसचा अपघात (Bus Accident) झाल्याची माहिती समोर येत आहे. प्रवाशांनी भरलेली बस दरीत कोसळली असून यात सात जणांचा जागीच मृत्यू झाला असल्याचे म्हटले जात आहे. नैनीतालच्या नालनी परिसरात हा भीषण अपघात घडला आहे.
नैनीतालमध्ये (Nainital) पर्यटनासाठी गेलेल्या पर्यटकांच्या बसला हा अपघात झाला आहे. दरीत कोसळलेल्या बसमध्ये 30 ते 32 प्रवाशी होते, अशी प्राथमिक माहिती मिळाली आहे. या अपघातातील सात मृतांमध्ये महिला आणि लहान मुलांचा समावेश आहे. दुर्घटनेची माहिती मिळताच एसडीआरएफ (SDRF) और एनडीआरएफ (NDRF) टीम घटनास्थळी दाखल झाली आणि बचावकार्य सुरु करण्यात आले असल्याचे सांगण्यात येत आहे.
Uttarakhand | A bus carrying 32 people crashed into a ditch in Nainital district. 18 injured people were rescued and taken to hospital for treatment. Rescue operation by SDRF team underway: SDRF pic.twitter.com/KyYKHRtErR
— ANI UP/Uttarakhand (@ANINewsUP) October 8, 2023
कालाधुंगी रोडवरील नालनी येथे बस दरीत कोसळल्याची माहिती आपत्ती नियंत्रण कक्ष नैनितालकडून(Nainital) एसडीआरएफला देण्यात आली होती. या बसमध्ये 30 ते 32 जण असण्याची शक्यता आहे. बस दरीत कोसळली आहे, ही माहिती एसडीआरएफ पथकाला मिळाली. एसडीआरएफ कमांडंट मणिकांत मिश्रा यांच्या सूचनेनुसार, पोस्ट रुद्रपूर, नैनिताल (Nainital)आणि खैरना येथील एसडीआरएफ बचाव पथके तातडीने बचावासाठी घटनास्थळी रवाना झाली. घटनास्थळी पोहोचल्यानंतर एसडीआरएफ पथकाला आढळलं की, या बसमध्ये 32 लोक होते. हे हरियाणातील हिसार येथून नैनितालमध्ये फिरण्यासाठी आले होते.
नैनितालचे (Nainital) वरिष्ठ पोलिस अधीक्षक (SSP) प्रल्हाद नारायण मीणा यांनी दिलेल्या माहितीनुसार, ”बसमध्ये 30-32 लोक होते. या बसमध्ये शाळेतील शिक्षक आणि मुलं होती. हे सर्व नैनीताल येथे फिरण्यासाठी आले होते. हरियाणातील हिसार येथे जात असताना हा अपघात झाला. आम्ही आतापर्यंत 25 लोकांना वाचवले आहे.”