प्रियांकांचे कार्यक्षेत्र “राष्ट्रीय’ असणार

कॉंग्रेस कार्यकारिणीत समावेश केला जाण्याची शक्‍यता वाढली

नवी दिल्ली – प्रियांका गांधी यांचा सक्रिय राजकारणात प्रवेश झाल्यानंतर आता त्यांचा कॉंग्रेस कार्यकारिणीमध्ये समावेश करण्याचे संकेत मिळाले आहेत. तसेच त्या संपूर्ण भारतात कॉंग्रेसच्या उमेदवारांचा प्रचार करतील, असे संकेतही देण्यात आले आहेत. प्रियांका गांधी या इंदिरा गांधींसारख्या दिसत असल्यामुळे तसेच त्यांची भाषणशैली आक्रमक असल्यामुळे मतदारांवर त्यांचा चांगला प्रभाव पडेल असा राजकीय निरीक्षकांचा अंदाज आहे.

-Ads-
दैनिक प्रभातचे फेसबुक पेज लाईक करा

सध्या प्रियांका विदेश दाऱ्यावर असून त्या लवकरच परततील आणि त्यानंतर उत्तर प्रदेशमध्ये त्यांचा जबाबदारी स्वीकारण्याचा औपचारीक जाहीर कार्यक्रम होईल, असे सांगण्यात येत आहे. त्यांच्यावर पूर्व उत्तर प्रदेशची जबाबदारी सोपवण्यात आली तसेच त्यांची अखिल भारतीय कॉंग्रेस समितीच्या महासचिवपदी नियुक्ती करण्यात आली.

बजेट अधिवेशन संपल्यानंतर कार्यकारिणीची बैठक बोलावण्यात येईल, त्यावेळीच प्रियांकांच्या कॉंग्रेसच्या प्रचार कार्यक्रमातील सहभागाची माहिती दिली जाईल. राहुल गांधींनंतर कॉंग्रेस पक्षातील दुसऱ्य़ा क्रमांकाच्या नेत्या प्रियांका असतील हे स्वाभाविक आहे.

कार्यकारिणीच्या बैठकीत प्रियांकांचा परिचय करून देण्यात येईल आणि प्रियंकांचे स्थान अधोरेखीत करण्यात येईल. प्रियांकांचा वावर पूर्व उत्तर प्रदेशपुरता मर्यादित असेल का यावर कॉंग्रेसचे नेते गुलाम नबी आझाद यांनी प्रियांकांचे कार्यक्षेत्र पूर्व उत्तर प्रदेशपुरता मर्यादित नसून त्या 2019 च्या लोकसभा निवडणुकीत देशभर कॉंग्रेसचा प्रचार करतील असे सांगितले.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)