लोणी काळभोर – शिंदवणे ( ता. हवेली) येथील शेतात विक्रीसाठी काढून ढीग लावून ठेवलेला सत्तर हजार रुपयांचा 3500 किलो कांदा अज्ञात चोरट्यांनी चोरून नेला आहे. या संदर्भात रामदास कुंडलिक कड (वय 58, रा. सोरतापवाडी, ता. हवेली) यांनी तक्रार दाखल केली आहे. रामदास कड याची शिंदवणे गावच्या हद्दीत शितोळे मळ्याजवळ दोन एकर शेती आहे. या जमिनीमध्ये कांद्याचे पिक केलेले आहे. 5 फेब्रुवारी रोजी अर्धा एकर क्षेत्रातील कांदा काढून घेतला.
त्यानंतर कांद्याचा ढिग लावून त्यावर कांद्याची पात टाकून झाकून ठेवलेला होता. आज सकाळी दहा वाजता उर्वरीत कांदा काढण्यासाठी रामदास कड मजुरांसह गेले. त्यावेळी काल ठेवलेला कांद्याचा ढिग कमी झालेला दिसला. त्यांनी आजूबाजुला पाहिले असता, चारचाकी वाहनाच्या टायरच्या खुणा दिसल्या. त्या ठिकाणी काळ्या – लाल रंगाची बॅटरी पडलेली दिसली. त्यामुळे त्यांनी लोणी काळभोर पोलीस ठाण्यात तक्रार दाखल केली आहे.