पुणे: कॅम्प एज्युकेशन सोसायटी शाळेच्या विद्यार्थांनी इयत्ता १२ वीच्या एच. एस. सी. बोर्ड परीक्षेत संस्थेच्या इंग्रजी व मराठी कनिष्ठ विद्यालयांनी नेत्रदिपक यश संपादन केले आहे. उत्तम कामगिरी करत १२ वीच्या विद्यार्थांनी कॅम्प एज्युकेशन सोसायटी संस्थेच्या उज्वल यशाची परंपरा कायम राखली आहे.
त्यानुसार, डॉ. सायरस पुनावाला इंग्रजी माध्यम हायस्कूल व ज्यु. कॉलेज रास्ता पेठेतील शाळेचा निकाल ९८ टक्के लागलेला आहे. त्यामध्ये सायन्स विभागाचा निकाल १०० टक्के व कॉमर्स विभागाचा निकाल ९६ टक्के लागलेला आहे. तर अभिमान इंगजी माध्यम हायस्कूल व ज्यु. कॉलेज, निगडीतील शाळेचा निकाल ९६ टक्के लागलेला आहे.
प्रेरणा हायस्कूल व ज्यु. कॉलेज निगडीच्या शाळेचा निकालही ९३.८० टक्के लागलेला आहे. त्यामध्ये सायन्स विभागाचा निकाल ९८.६१ टक्के व कॉमर्स विभागाचा निकाल ९५ टक्के लागलेला आहे. कॅ. ए. सोचे डॉ. सायरस पुनावाला हायस्कूल व ज्यु. कॉलेज, जान महंम्मद स्ट्रीट येथील शाळेचा निकाल ८२ टक्के लागलेला आहे.
यानिमित्त संस्थेचे कार्याध्यक्ष श्री. वालचंद संचेती व कार्यकारी मंडळाचे सभासद यांनी सर्व मुख्याध्यापक, शिक्षक व यशस्वी विद्यार्थ्यांचे हार्दिक अभिनंदन व कौतुक केले आहे. दरम्यान, कॅम्प एज्युकेशन सोसायटीने तळागाळातील विद्यार्थ्यांना उच्च दर्जाचे शिक्षण देणे हे नेहमीच ध्येय मानले आहे. या ध्येयाशी प्रामाणिक राहून शिक्षण देण्याचे काम ही संस्था करीत आहे.
