नवी दिल्ली : लैला मजनू शिरी फरहाद किंवा रोमियो ज्युलिएट या गाजलेल्या प्रेम कहाणी पेक्षाही एक वेगळी प्रेम कहाणी समोर आली आहे. एका तरुणीने चक्क आपल्या बॉयफ्रेंडच्या मृतदेहाताशी विवाह करून आपले अनोखे प्रेम अधोरेखित केले आहे. या अनोख्या लग्नाची आणि प्रेम कहाणीची चर्चा सध्या सर्वत्र सुरू आहे.
क्लिओदना आणि मार्क असे या जोडप्याचे नाव आहे. 27 वर्षे वयाच्या मार्कचा नुकताच फुप्फुसाच्या आजाराने मृत्यू झाला त्यानंतर त्याची प्रेयसी असलेल्या क्लिओदनाने मार्कच्या मृतदेहशीच लग्न केले आणि त्या मृतदेहासोबत ती तीन दिवस राहिली नंतर त्या मृतदेहावर अंत्यसंस्कार करण्यात आले.
मार्क आणि क्लिओदना यांची ही प्रेम कहाणी खरोखरच अनोखी अशी आहे. क्लिओदनाची आई आजारी असताना मार्कने आपली सर्व कामे बाजूला ठेवून तिला मदत केली होती आणि शेवटपर्यंत क्लिओदनाच्या आईला सहाय्य केले होते. ही गोष्ट लक्षात आल्यावर दोघांमध्ये प्रेमसंबंध निर्माण झाले दोघे एकत्रही राहत होते त्यांना एक मुलही आहे. दरम्यान मार्कला एका गंभीर आजाराने ग्रासले फुफुसच्या संसर्गाच्या या आजारावर कोणताही प्रभावी उपाय नसल्याने आयुष्यातील खूप कमी दिवस शिल्लक राहिले आहेत.
याची जाणीव त्याला झाली होती, पण कामाच्या गडबडीमुळे या जोडप्याला कधीच लग्न करता आले नाही. त्यामुळे जेव्हा मार्कचा मृत्यू झाला, तेव्हा क्लिओदनाने लग्न विधी पार पाडण्याचा निर्णय घेतला आणि तिने मार्कच्या मृतदेहासोबतच विवाह केला. त्यानंतर मृतदेहासोबतच ती तीन दिवस राहिली नंतर मृतदेहावर अंत्यसंस्कार करण्यात आले. क्लिओदनाने मार्कच्या मृत बोटांमध्ये अंगठी घातली आणि स्वतःही अंगठी परिधान करून विवाहविधी पूर्ण केले. उर्वरित आयुष्यामध्ये सुद्धा मी फक्त मार्कवरच प्रेम करत राहीन असे क्लिओदनाने म्हटले आहे.