नवीदिल्ली – भारताचा ऑलराऊंडर खेळाडू रवींद्र जडेजा सध्या दुखापतीमुळे टीमच्या बाहेर असला असला तरी सध्या तो एका वेगळ्या लढाईच्या तयारीत गुंतला आहे. लढाई आहे गुजरातच्या विधानसभा निवडणुकीची. या निवडणुकीत जडेजाची पत्नी रिवाबा देखील उभी राहणार असल्याने जडेजाने पत्नीच्या प्रचारासाठी तयारी सुरु केली आहे. सोशल मीडियावर एक व्हिडीओ शेअर करत जडेजाने आपल्या पत्नीला मतदान करण्याचे आवाहन केले आहे.
जडेजाची पत्नी रिवाबा अनेक दिवसांपासून सामाजिक कार्यात सक्रिय आहे. म्हणूनच रिवाबाला भारतीय जनता पार्टीने जामनगर उत्तरमधून उमेदवारी घोषित केली आहे. आज रिवाबा आपल्या कार्यकर्त्यांसह उमेदवारी अर्ज देखील भरणार आहे. त्यासाठीच जडेजाने एक व्हिडीओ पोस्ट केला आहे. व्हिडीओमध्ये तो म्हणतो, माझ्या चाहत्यांनो आणि जामनगरवासियांनो गुजरात विधासभा निवडणूक फास्ट क्रिकेटप्रमाणे होणार आहे. माझी पत्नी भाजपकडून उमेदवारी अर्ज दाखल करणार आहे. आता तिच्या विजयाची जबाबदारी तुमच्यावर आहे. तर चला सगळ्यांनी यावेळी उपस्थित रहा असे आवाहन यावेळी जडेजाने केले आहे.
જામનગર ના મારા તમામ મિત્રો ને મારુ દીલ થી આમંત્રણ છે. જય માતાજી🙏🏻 pic.twitter.com/olZxvYVr3t
— Ravindrasinh jadeja (@imjadeja) November 13, 2022
जामनगर हा भाजपचाच मतदारसंघ आहे. जडेजा घराण्याचे नेहमी या मतदार संघावर वर्चस्व राहिलेले आहे. परंतु यंदा उमेदवार बदलल्याने निवडणुकीत चुरस निर्माण होणार आहे. विशेष म्हणजे यावेळी जडेजाच्या पत्नीसमोर आपल्याच नातेवाईकाचे आव्हान असणार आहे.