IND vs ENG Test Dhurv Jurel salute : भारत आणि इंग्लंड यांच्यात खेळल्या जात असलेल्या चौथ्या कसोटी सामन्यात ध्रुव जुरेलच्या खेळीच्या जोरावर भारतीय संघाने सामन्यात पुनरागमन केले. 90 धावांची इनिंग खेळून ध्रुवने टीमसाठी मोलाची कामगिरी बजावली. त्यामुळे सध्या त्याच्या अर्धशतकापेक्षा त्याच्या सेलिब्रेशनचीच जास्त चर्चा आहे.
केवळ दुसरा कसोटी सामना खेळणाऱ्या ध्रुवने भारतीय संघाला १६१ धावांवर पाच विकेट्स गमावलेल्या असताना संकटातून बाहेर काढले. ध्रुवने कुलदीप यादव सोबत 76 धावांची महत्त्वपूर्ण भागीदारी केली. ध्रुवने 149 चेंडूत 90 धावांची खेळी खेळली. यादरम्यान त्याने सहा चौकार आणि चार षटकार मारले. ध्रुवचे हे पहिले आंतरराष्ट्रीय अर्धशतक होते. | IND vs ENG Test Dhurv Jurel salute
ध्रुवने पहिले अर्धशतक वडिलांना समर्पित केले
पहिले अर्धशतक झळकावल्यानंतर ध्रुवने खास सेलिब्रेशन केले. त्याच्या सेलिब्रेशनच्या पद्धतीने चाहत्यांचे लक्ष वेधून घेतले. ध्रुवने अर्धशतक पूर्ण केल्यानंतर मैदानातच सॅल्यूट मारला. त्याच्या या ऍक्शनचा व्हिडिओ सोशल मीडियावर व्हायरल झाला आहे. चाहत्यांना हा व्हिडिओ खूप आवडला आहे.
ध्रुवने पहिले अर्धशतक वडिलांच्या नावावर केले. त्याचे वडील सैन्यात सार्जंट होते. याशिवाय त्यांनी कारगिल युद्धात भाग घेतला होता. अर्धशतक झळकावल्यानंतर त्याने वडिलांप्रती आदर व्यक्त करत सलामी देत आनंद साजरा केला. | IND vs ENG Test Dhurv Jurel salute
भारताला विजयासाठी 152 धावांची गरज
तिसऱ्या दिवसाचा खेळ संपेपर्यंत इंग्लंडचा दुसरा डाव १४५ धावांवर आटोपला होता. भारताने दुसऱ्या डावात 40 धावा केल्या आहेत. भारताला विजयासाठी 152 धावांची गरज आहे. आजच खेळ संपला तेव्हा रोहित आणि जैस्वाल नाबाद परतले. | IND vs ENG Test Dhurv Jurel salute
