पुणे :- आयस्क्वॅश अकादमी तर्फे सीएसके आयस्क्वॅश करंडक खुल्या राष्ट्रीय अजिंक्यपद स्क्वॅश स्पर्धेत आरव कोत्तापल्ली, मोहम्मद तोहीदतनवीर, स्वरीत पाटील, हृदान शहा, आकाश कनन यांनी मुलांच्या गटात तर, निष्कल दिवेदी, अर्णा पांड्ये, शनाया रॉय, गोशिका एम, अरिका मिश्रा यांनी मुलींमध्ये वेगवेगळ्या गटांचे विजेतेपद संपादन केले.
या स्पर्धेच्या 9 वर्षाखालील मुलांच्या गटात आरव कोत्तापल्ली याने वेदांत शिंदे याचा 11-2, 11-3, 11-7 असा पराभव केला. मुलींच्या गटात अर्णा पांड्ये हिने अरिना अलमोउला हिचा 11-2, 11-2, 11-0 असा सरळ फ्रेममध्ये पराभव करून विजेतेपद मिळवले. 11 वर्षाखालील मुलांच्या गटात मोहम्मद तोहीदतनवीर याने ऋषभ शाम याचा 13-11, 8-11, 13-11, 8-11, 11-9 असा पराभव करून विजेतेपदावर नाव कोरले.
मुलींच्या गटामध्ये शनाया रॉय महिका सुब्रमण्यम हिचा 11-2, 11-9, 6-11, 11-3 असा पराभव करून विजतेपद संपादन केले. 13 वर्षाखालील मुलांमध्ये स्वरीत पाटील याने विवान खन्ना याचा 12-10, 12-10, 11-7 असा पराभव करून विजेतेपद मिळवले. मुलींमध्ये गोशिका एम. हिने मिरा क्रेसेजल हिचा 11-4, 14-12, 11-4 असा पराभव करून विजेतेपद मिळवले.
15 वर्षाखालील मुलांच्या गटामध्ये हृदान शहा याने लक्ष्मणा हरी याचा 11-4, 11-4, 11-7 असा पराभव करून विजेतेपद मिळवले. याच गटात मुलींमध्ये अरिका मिश्रा हिने इशा श्रीवास्तवा हिचा 11-9, 11-4, 11-5 असा पराभव करून अनपेक्षित निकाल नोंदवित विजेतेपद मिळवले. 17 वर्षाखालील मुलांमध्ये आकाश कनन याने मितांश जैन याचा 11-5, 13-11, 11-9 असा पराभव करून विजेतेपदावर आपले नावे कोरले.
19 वर्षाखालील मुलांच्या गटात निष्कल दिवेदी याने मय्यपन एल. याचा 11-5, 11-3, 11-7 असा पराभव करून विजेतेपद मिळवले. स्पर्धेचे पारितोषिक वितरण आयस्क्वॉश अकादमीचे संचालक मरिषा जिल्का आणि असिफ सय्यद आणि सहसंचालक रोहित मोरे यांच्या हस्ते करण्यात आले.
