तळेगाव ढमढेरेत बालचमूंची वृक्षदिंडी

तळेगाव ढमढेरे (वार्ताहर) – येथील जिल्हा परिषद शाळेतील लहान मुली व मुलांची पुस्तक आणि वृक्षदिंडी संपूर्ण गावाला प्रदक्षिणा घालून रामकृष्ण हरी, ज्ञानदेव तुकाराम अशा प्रकारच्या नामगजरात संपूर्ण परिसर दुमदुमून टाकला. यामुळे येथील वातावरण भक्तिमय झाले होते.

कुमार जयसिंगराव ढमढेरे जिल्हा प्राथमिक शाळा क्र.१ व २ मधून आज सकाळी ८ वाजता बालवारकऱ्यांची दिंडी संपूर्ण गावात प्रभातफेरी काढत निघाली. या दिंडीत मुलांनी वारकऱ्यांची वेशभूषा करत गावातील ग्रामस्थांचे लक्ष वेधले होते. हातात टाळ-मृदुंग घेऊन हरिनामाचा जयघोष करीत ही दिंडी निघाली. शाळेतील शेकडो मुली आणि मुलांनी दिंडीत भाग घेतला होता. सकाळपासून पावसाच्या सरी ओसंडत असताना रस्ता चिखलमय झाला असताना अस्सल वारीचा अनुभव या बाल वारकऱ्यांनी घेतला.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)