नवी दिल्ली – करोना व्हायरसची एक नवी आवृत्ती मानवात पसरण्याची शक्यता चीनमधील संशोधक व्यक्त करत आहेत. त्यात दर तीन संसर्गितांपैकी एक जण मरण पावेल अशी भीती व्यक्त करण्यात येत आहे. मात्र सध्या तरी हा संसर्ग पसरण्याची शक्यता नसल्याचे तज्ज्ञांचे मत आहे.
निओकोव्ह हा विषाणु सध्या दक्षिण अफ्रिकेतील वटवाघळात आढळत आहे. त्याचा मानवाला संसर्ग होण्याची भीती व्यक्त होत आहे. चीनी संशोधकांनी याबाबतचे संशोधन प्रसिध्द केले आहे. मात्र हे संशोधन आणि याबाबत इंटरनेटवर प्रसिध्द होत असलेल्या बातम्या यात खूपच कमी साम्य असल्याचे दिसत आहे. या बाबतचे व्यक्त होणारे अंदाज हे मनाचे ठोकताळे असल्याचे या संशोधनात सहभागी असणाऱ्या एका शास्त्रज्ञाने सांगितले.
निओकोव्ह हा विषाणू द. अफ्रिकेतील वटवाघळांत आढळल्याचे स्पष्ट आहे. त्याला काही काळ होऊन गेला आहे. मात्र या विषाणूचे साधर्म्य 2012 मध्ये आलेल्या करोना विषाणूमुळे निर्माण झालेल्या मध्य पूर्व श्वसन विकाराशी आहे. चीनी संशोधकांच्या अभ्यासात निओकोव्ह विषाणूचा संसर्ग होणाऱ्या घटकाचे सार्स कोव्ह -2 या विषाणूशी साधर्म्य आहे. या पलिकडे व्यक्त केलेली सर्व मते हा कल्पना विस्तार आहे.
आता सुरवातीपासून याचा मागोवा घ्यायचे ठरले तर निओकोव्ह हा विषाणू केवळ वटवाघळातच आढळतो. त्याचा माणसाला कधीही संसर्ग झाला नाही. हा विषाणू वटवाघळातूून माणसात येण्याची कोणतीही नवी भीती समोर आली नाही. मानवाच्या एसीई 2 रिसेप्टरमध्ये सहजरित्या आणि परिणामकारकतेने प्रवेश करू शकणार नाही, असे संशोधकांनी प्रयोगशाळेतील चाचणीतून स्पष्ट केले आहे.
वटवाघळातील रिसेप्टर आणि मानवातील रिसेप्टर यांच्या रचनेतील फरकाकडे संशोधकांनी लक्ष वेधले आहे. त्यात कमी असणारे प्रथीनांचे प्रमाण ते माणसात संसर्गित करू शकत नाही. मात्र त्याचा उत्परावर्तीत आवृत्ती आली तर संसर्ग होऊ शकतो. हा केवळ प्रयोगशाळेतील निष्कर्ष आहे.
निओकोव्ह हा दर तीन संसर्गितातील एकाचा मृत्यू आणू शकतो हा केवळ तो मर्स कोरोनाव्हायरस या जातकुळीच्या विषाणूच्या जवळचा असल्याने मांडण्यात आलेला अंदाज आहे. या विषाणूला मर्बकरोनाविषाणू असे ओळकले जाते त्याच्या संसर्गिताचा मृत्यू दर सुमारे 35 टक्के आहे. 2012 मध्ये मर्सचा विषाणू आढळल्यानंतर त्याचा 27 देशात साथ पसरली. त्यात केवळ 858 जण मरण पावल्याची जागतिक आरोग्य संघटनेची नोंद आहे.