मुंबई, दि. 5 – मुंबईतील मानखुर्द येथील मंडाळे स्क्रॅप गोदामाला भीषण आग लागल्याची घटना घडली आहे. या आगीची माहिती मिळताच अग्निशमन दलाच्या 6 गाड्या घटनास्थळी दाखल झाल्या आहे. आग विझवण्याचे काम युद्ध पातळीवर सुरू आहे.
या दुर्घटनेत अद्याप कोणतीही जीवितहानी झाल्याचे वृत्त नाही. मात्र, आगीची तीव्रता भीषण आहे. धुराचे लोट दूरपर्यंत दिसून येत आहे. या गोदामात ऑइल तसेच भंगाराची दुकान आहे. त्यामुळे काही क्षणात आगीने रौद्ररूप धारण केले आहे. आगीत अनेक दुकान भक्ष्यस्थानी सापडल्याचे वृत्त आहे.
गोदामाच्या बाजूला असलेल्या झोपडपट्टीमध्ये आगीमुळे खळबळ उडाली आहे. स्थानिकांनी आग विझवण्यासाठी पाण्याचा मारा केला, पण यात त्यांना यश आले नाही. आगीची माहिती तातडीने अग्निशमन दलाला देण्यात आली आहे. अग्निशमन दलाच्या 6 गाड्या घटनास्थळी दाखल झाल्या होत्या. आग विझवण्याचे युद्ध पातळीवर काम सुरू होते.