Manoj Jarange on Fadnavis। मराठा आंदोलक मनोज जरांगे पाटील यांच्या संवाद दौऱ्यास आजपासून सुरुवात झालीय. अंतरवाली सराटी येथून निघाल्यानंतर जरांगे पाटील बीड जिल्ह्यातील वानगाव या ठिकाणी दाखल झाले. यावेळी मराठा समाज बांधवांना मार्गदर्शन करताना राज्याचे उपमुख्यमंत्री देवेंद्र फडणवीस यांना पाटील यांनी पुन्हा एकदा इशारा दिलाय.
फडणवीस यांनी मला आत टाकून दाखवावेच Manoj Jarange on Fadnavis।
यावेळी बोलताना जरांगे यांनी,“फडणवीस पोलिसांचे कान फुकत आहेत. माझ्याविरोधात एसआयटी चौकशी लावली आहे. पण मी इंचभरही मागे हटणार नाही. मी चौकशीसाठी तयार आहे. फडणवीस यांनी मला आत टाकून दाखवावेच, त्यानंतर भावनिक लाट काय असते? हे त्यांना दिसेल. तुमचा सगळा सुपडा साफ होईल”, असे आव्हानच फडणवीस यांना दिले.
आमच्या घरावर पत्रक चिकटवायचे आहेत, तेव्हा आम्हीही सहन करणार नाही Manoj Jarange on Fadnavis।
तसेच पंतप्रधान नरेंद्र मोदी आणि केंद्रीय गृहमंत्री अमित शाह यांच्या विरोधात मराठा समाजाने उमेदवारी अर्ज भरावेत, असा निर्णय मराठा समाजाने घेतला आहे का? असाही प्रश्न माध्यमांनी जरांगे यांना विचारला. तेव्हा जरांगे म्हणाले की, मराठे काहीही करू शकतात. सरकारने तर आमचे बॅनर आणि फलक काढण्याच्या सूचना दिल्या आहेत. पण निवडणुकीत तुम्हालाही आमच्या गावात बॅनर लावायचे आहेत. आमच्या घरावर पत्रक चिकटवायचे आहेत. तेव्हा आम्हीही सहन करणार नाही, असे म्हणत पुन्हा एकदा जरांगे पाटील यांनी फडणवीस यांना लक्ष्य केलं.
“माझी मान जरी कापून नेली, तरी मी एक इंचभर मागे हटणार नाही. पण त्यानंतर भावनिक लाट काय असते? हे देवेंद्र फडणवीस यांना दाखवून देऊ. त्यांचा सगळा सुपडा साफ होईल. या आंदोलनामागे शरद पवार यांचा हात आहे, असा आरोप भाजपाकडून केला जातो. पण खुद्द गृहमंत्री देवेंद्र फडणवीस यांनी येका वृत्तवाहिनीच्या कार्यक्रमात खुलासा केला की, शरद पवार यांच आंतरवाली सराटीमध्ये अपमान झाला. त्यांना उभ्या आयुष्यात कुणी एवढं बोललं नसेल, तेवढं बोललं गेलं. तुम्हीच एका तोंडाने बोलता त्यांचा अपमान झाला आणि दुसऱ्या तोंडाने तेच मागे असल्याचे सांगता. पण आमच्या मागे-पुढे कुणीही नाही”, असेही जरांगे यांनी सांगितले.