Smriti Mandhana broke own world record : भारतीय महिला क्रिकेट संघाची उपकर्णधार आणि रन-मशीन स्मृती मानधना हिने क्रिकेट विश्वात आपला दबदबा निर्माण केला आहे. श्रीलंकेविरुद्धच्या चौथ्या टी-२० सामन्यात स्मृतीने केवळ ८० धावांची वादळी खेळीच केली नाही, तर महिला क्रिकेटच्या इतिहासातील एक असा विक्रम प्रस्थापित केला आहे, जो आजवर कोणालाही जमलेला नाही. स्वतःचाच मोडला वर्ल्ड रेकॉर्ड – स्मृती मानधनाने एका कॅलेंडर वर्षात सर्वाधिक आंतरराष्ट्रीय धावा करण्याचा स्वतःचाच जुना विक्रम मोडीत काढला आहे. २०२५ या वर्षात स्मृतीने आतापर्यंत १,७०३ धावा केल्या आहेत. एका वर्षात १७०० धावांचा टप्पा पार करणारी ती जगातील पहिली महिला खेळाडू ठरली आहे. यापूर्वी २०२४ मध्ये तिने १,६५९ धावा केल्या होत्या, जो त्यावेळचा जागतिक विक्रम होता. एका कॅलेंडर वर्षात सर्वाधिक धावा करणाऱ्या महिला फलंदाज – खेळाडू देश डाव धावा वर्ष स्मृती मानधना भारत ३२ १७०३* २०२५ स्मृती मानधना भारत ३५ १६५९ २०२४ लॉरा वोल्वार्ड दक्षिण आफ्रिका ३७ १५९३ २०२४ लॉरा वोल्वार्ड दक्षिण आफ्रिका २६ १३६४ २०२१ नॅट सायव्हर ब्रंट इंग्लंड ३२ १३४६ २०२३ हेही वाचा – Mohsin Naqvi : ‘जर भारताने हातमिळवणी केली नाही तर…’, मोहसिन नक्वींनी टीम इंडियाच्या भूमिकेवर सोडले मौन २०२५: स्मृतीसाठी स्वप्नवत वर्ष – २०२५ हे वर्ष स्मृती मानधनासाठी अतिशय खास ठरले आहे. तिने केवळ धावांचा पाऊस पाडला नाही, तर भारताला एकदिवसीय विश्वचषक जिंकून देण्यातही मोलाची भूमिका बजावली. वनडे क्रिकेट: २३ सामन्यांत १३६२ धावा (५ शतके आणि ५ अर्धशतके). टी-२० क्रिकेट: ९ सामन्यांत ३४१ धावा. एकूण: १७०३* आंतरराष्ट्रीय धावा. हेही वाचा – IND W vs SL W : भारतीय महिला संघाचा विजयी चौकार! श्रीलंकेचा धुव्वा उडवत टी-२० मालिकेत ४-० ने आघाडी सामनावीर पुरस्काराने गौरव – श्रीलंकेविरुद्धच्या पहिल्या तीन सामन्यांत स्मृतीला मोठी खेळी करता आली नव्हती. मात्र, चौथ्या सामन्यात तिने पुनरागमन करत ४८ चेंडूत ११ चौकार आणि ३ षटकारांच्या मदतीने ८० धावा कुटल्या. या खेळीमुळे भारताने श्रीलंकेवर ३० धावांनी विजय मिळवला आणि स्मृतीला ‘सामनावीर’ पुरस्काराने सन्मानित करण्यात आले. याच खेळीदरम्यान स्मृतीने आंतरराष्ट्रीय क्रिकेटमधील आपल्या १०,००० धावा देखील पूर्ण केल्या. ही कामगिरी करणारी ती मिताली राजनंतरची केवळ दुसरी भारतीय महिला ठरली आहे.
